لاڑکانہ،ماں کا بیٹیوں کی بازیابی کیلئے ڈی پی سی ایل کے آگے احتجاج

پیر 19 نومبر 2018 21:55

لاڑکانہ (اُردو پوائنٹ اخبارتازہ ترین - آن لائن۔ 19 نومبر2018ء) ماں کا بیٹیوں کی بازیابی کیلئے ڈی پی سی ایل کے آگے احتجاج۔ تفصیلات کے مطابق پیر کے روز نوری آباد کی مکین عورت رشیدہ جوکھیو نے ڈسٹرکٹ پریس کلب لاڑکانہ کے آگے احتجاج کرتے ہوئے کہا کہ 25سال پہلے ان کی شادی ممتاز نوناری سے ہوئی تھی، جس میں سے ان کو دو بیٹیاں ہوئی ہیں، لیکن 8سال قبل ممتاز نے دوسری شادی کرلی، جس کے بعد اس سے طلاق لے لی تھی، جو اس کو برداشت نہ ہوئی، اور انہوں نے اپنے دیگر ساتھیوں محمد رمضان، محمد نواز، منظور علی ار بلاول نوناری کے ساتھ زبردستی ان کی بیٹیاں 18سالہ رخسانہ اور 16سالہ سویرا کو اسلحہ کے زور پر اٹھاکر اغواء کرکے لے گئے ہیں، انہوں نے ڈی آئی جی پی و ایس ایس پی حیدرآباد سے اپیل کی کہ وہ ان کے احتجاج اور حقیقت کا نوٹس لیکر بیٹیاں بازیاب کراکر دی جائیں۔

(جاری ہے)

گائوںمٹھو کھوڑو کے مکین ا فراد بشیر کھوڑو ارو عبدالخالق کھوڑو نے احتجاج کے بعد کہا کہ ایس ایس پی منیر کھوڑو نے ان کی 434ایکڑ زرعی زمین پر قبضہ کررکھا ہے، آئی جی سندھ نوٹس لیکر انہیں انصاف فراہم کریں۔ #