ملتان میں قومی اسمبلی کے حلقہ این اے 148 میں ضمنی الیکشن کے لیے پولنگ کا عمل جاری‘پیپلزپارٹی اور نون لیگ کے علی موسی گیلانی اور پی ٹی آئی کے بیرسٹر تیمور الطاف ملک کے درمیان مقابلہ
عام انتخابات میں یوسف رضا گیلانی نے اس نشست پر صرف293ووٹوں سے کامیابی حاصل کی تھی‘ ڈپٹی کمشنر ملتان رضوان قدیر نے مرکزی الیکشن آفس میں انتظامات کا معائنہ
میاں محمد ندیم اتوار 19 مئی 2024 12:30
(جاری ہے)
حلقے میں 275 پولنگ اسٹیشن قائم کیے گئے ہیں جن میں سے69 پولنگ اسٹیشن حساس قرار دیے گئے ہیں جب کہ ضمنی انتخاب کے دوران سیکیورٹی کے لئے پولیس اہلکار پولنگ اسٹیشنوں پر تعینات کئے گئے ہیں این اے 148 ملتان کے ضمنی الیکشن میں مجموعی طور پر 8 امید وار حصہ لے رہے ہیں، سنی اتحاد کونسل کے امیدوار بیرسٹر تیمور الطاف ملک اور پیپلزپارٹی اور مسلم لیگ نون کے مشترکہ امیدوار علی قاسم گیلانی کے درمیان کانٹے دار مقابلہ متوقع ہے 8 فروری 2024 کو ہونے والے عام انتخابات میں ملتان کے اس حلقے سے سابق وزیراعظم اور پاکستان پیپلزپارٹی کے سینئر راہنما یوسف رضا گیلانی کامیاب ہوئے تھے انہوں نے تحریک انصاف کے حمایت یافتہ تیمور الطاف ملک کو شکست دی تھی تاہم پارٹی ہدایت پر انہوں نے قومی اسمبلی کی سیٹ سے استعفیٰ دے دیا تھا اور وہ چیئرمین سینیٹ منتخب ہوگئے تھے. یوسف رضا گیلانی کے دوبیٹے پہلے سے رکن قومی اور پنجاب اسمبلی ہیں جبکہ علی قاسم گیلانی اب ان کی چھوڑی ہوئی نشست پر رکن قومی اسمبلی کے امیدوار ہیں الیکشن کمیشن اور ضلعی انتظامیہ ملتان کا دعوی ہے کہ اس حلقے میں آزادانہ، منصفانہ اور شفاف انتخابات کے لیے تمام انتظامات کیے ہیں پاکستان تحریک انصاف کے حمایت یافتہ سنی اتحاد کونسل کے امیدوار بیرسٹر تیمور ملک کا الزام ہے کہ یوسف رضا گیلانی نے اپنے بیٹے کی انتخابی مہم کے لیے نہ صرف سرکاری وسائل استعمال کیئے بلکہ حلقے کے لوگوں کو سرکاری نوکریاں دلانے کا لالچ بھی دیا گیا ہے 8 فروری کو ہونے والے عام انتخابات میں یوسف گیلانی نے اس سیٹ سے صرف 293 ووٹ کے فرق سے کامیابی حاصل کی تھی اس سے قبل ڈپٹی کمشنر ملتان رضوان قدیر نے مرکزی الیکشن آفس میں انتظامات کا معائنہ کیا ریٹرننگ آفیسر محمد سیف نے افسران کو انتخابی مواد کی ترسیل اور پولنگ کے طریقہ کار کے بارے میں بریفنگ دی الیکشن کمیشن آف پاکستان نے حلقہ این اے 148 میں ہونے والے ضمنی انتخابات میں عوام کی سہولت کے لیے الیکشن مانیٹرنگ اینڈ کنٹرول سنٹر قائم کر دیا ہے. الیکشن کمیشن کے ترجمان کے مطابق اس سنٹر میں عوام کو ان الیکشن کے حوالے سے رابطہ کرنے اور اپنی شکایات درج کرانے کی سہولت ہو گی شکایات کے بروقت اَزالہ کے لیے فوری طور پر کارروائی کی جائے گی اور اِس مقصد کے لیے سنٹر میں تربیت یافتہ عملہ تعینات کردیا گیا ہے. الیکشن کمیشن نے عوام کی شکایات کے اندراج اور ان کے فوری حل کے لیے چار سطحی کنٹرول سنٹر قائم کئے ہیں جس میں الیکشن کمیشن سیکرٹریٹ اسلام آباد کے علاوہ صوبائی، ڈویژن اور ضلعی سطح پر کنٹرول روم قائم کیاگیا ہے یہ سنٹر پولنگ کے دن اور نتائج کے موصول ہونے تک کام کرے گا کنٹرول سنٹر میں سوشل میڈیا اور الیکٹرانک میڈیا مانیٹرنگ کی سہولت بھی موجود ہے.
متعلقہ عنوان :
ملتان میں شائع ہونے والی مزید خبریں
نمایاں کارکردگی کا مظاہرہ , پولیس افسران میں تعریفی سرٹیفکیٹس اور نقد انعامات تقسیم کئے گئے
لکی مروت دھماکے میں شہید ہونے والے پاک فوج کے سپاہی اسد اللہ کی نماز جنازہ ملتان میں ادا کر دی گئی
سی پی او ملتان صادق علی کا پولیس لائن میں زیر تعمیر ڈرائیونگ سکول کا دورہ
ة مرکزی تنظیم تاجران پاکستان کا بجٹ میں ریلیف نہ ملنے پر ملک گیر احتجاجی تحریک چلانے کا اعلان
واسا ملتان کی نادہندگان کے خلاف کارروائیاں ،52 لاکھ روپے سے زائد کی وصولیاں، 190 کنکشن منقطع
آئندہ چوبیس گھنٹوں کے دوران ملتان اور مضافات میں موسم گرم وخشک رہنے اورگرد آلودہوائیں چلنے کاامکان
سی پی او ملتان کی جانب سے کھلی کچہری کا انعقاد
ملتان،موٹر سائیکل سوار نوجوان بس کی زد میں آکرجاں بحق
ملتان، عید الاضحیٰ کے موقع پر روزانہ 10ہزارٹن آلائشیں ٹھکانے لگانے کے لئے انتظامات مکمل
ملتان ، محرم الحرام کے جلوسوں کے روٹس کی اپ گریڈیشن کاعمل شروع
آئندہ چوبیس گھنٹوں کے دوران ملتان اور مضافات میں زیادہ تر موسم شدید گرم اورخشک رہنے کاامکان ہے،محکمہ ..
}تاجر کاز کیلئے کسی قربانی سے دریغ نہیں کریں گے‘خواجہ محمد شفیق
ملتان سے متعلقہ
پاکستان کی تازہ ترین خبریں
-
ہم ڈائیلاگ چاہتے ہیں لیکن کرپٹ سسٹم کے بینیفشری رکاوٹ پیدا کررہے
-
پہلی بار پاکستان 4 ارب ڈالر کے چاول ایکسپورٹ کرنے کے قریب پہنچ گیا
-
پی ٹی آئی کا سپریم کورٹ سے عمرایوب کے ساتھ پولیس گردی کے واقعے کا نوٹس لینے کا مطالبہ
-
پاکستان کو ضرورت کے مطابق آئی ایم ایف سے قرضہ ملنا مشکل ہے
-
امریکہ، پاکستان کا اعلیٰ تعلیم کے شعبے میں بہتری کے لیے بین الاقوامی اجلاس
-
عمر ایوب کے ساتھ سرگودھا میں پولیس گردی ہوئی، پنجاب میں کیا مارشل لاء نافذ ہے؟
-
رواں برس معمول سے 35 فیصد زائد بارشوں کا امکان
-
نوازشریف کی نریندر مودی کو تیسری باروزیراعظم منتخب ہونے پر مبارکباد
-
وزارت منصوبہ بندی نے آئندہ مالی سال کیلئے معاشی شرح نمو کے ہدف کی منظوری دے دی
-
زرعی اراضی کا غیرضروری کمرشل استعمال ریگولرائز کرنے کی تجاویز پرغور
-
پیپلزپارٹی ہتک عزت قانون کی منظوری کا حصہ نہیں بنی، شرجیل میمن
-
الیکشن کمیشن نے اسلام آباد کے تینوں حلقوں میں ٹربیونل جج تبدیل کرنے کی منظوری دے دی