شعیب ملک نے بیگم کیساتھ وقت گزارنے کے لیے پاکستان کپ چھوڑدیا

لاہور(اردو پوائنٹ تازہ ترین اخبار22اپریل ۔2017ئ) بھارتی ٹینس سٹار ثانیہ مرزااپنی پروفیشنل مصروفیات کے سبب عموماً اپنے شوہر اور پاکستان کے سابق کپتان شعیب ملک سے دوررہتی ہیں لیکن مصروف شیڈول سے فرصت پاتے ہی انہوں نے شعیب ملک کو وقت دیدیا ہے۔

(جاری ہے)

کھیلوں کی دنیا کی یہ مشہور جوڑی اب دبئی میں ایک وقت وقت گزارنے کیلئے دبئی میں یکجاہوگئی ہے اور اپنی بیگم کے ساتھ وقت گزارنے کے لیے شعیب ملک کو پاکستان کپ کے میچوں کی قربانی دینا پڑی ہے ۔

انہوں نے ایونٹ کے پہلے دونوں میچوں میں اپنی ٹیم خیبرپختونخوا کیلئے شاندار کارکردگی دکھاتے ہوئے فیڈرل ایریاکےخلاف 72اور پنجاب کے خلاف ناقابل شکست80رنزبنائے تھے تاہم دبئی جانے کے سبب شعیب ملک آج بلوچستان کے خلاف میچ نہیں کھیلیں گے جبکہ 25اپریل کوسندھ کے خلاف میچ میں بھی ان کی شرکت یقینی نہیں ہے۔ اس بات کا قوی امکان موجود ہے کہ خیبرپختونخواکے فائنل پہنچنے کی صورت میں وہ شاید وطن واپس آجائیں۔