ویسٹ انڈین کرکٹ لیجنڈ پیٹرک پیٹرسن 2 دہائیوں کی گوشہ نشینی کے بعد منظر عام پر آگئے

جمیکا(اُردو پوائنٹ اخبارتازہ ترین - آئی این پی۔ 25 جولائی2017ء) ویسٹ انڈیز کرکٹ کو عروج پر پہنچانے والے فاسٹ بولر پیٹرک پیٹرسن گمنامی کی زندگی گزار رہے ہیں، کرکٹ لیجنڈ دو دہائیوں کی گوشہ نشینی کے بعد منظر عام پر آگئے۔پیٹرک پیٹرسن کی زندگی شہرت کی بلندیوں سے گمنامی کے اندھیرے تک کا سفر ہے۔ 80 کی دہائی کے تیز ترین بالر کی طوفانی بولنگ کرکٹ دیوانے کبھی بھول نہیں پائے۔

(جاری ہے)

ریٹائرمنٹ کے بعد پیٹرک پیٹرسن افلاس اور نفسیاتی مسائل کے باعث گوشہ نشینی کی زندگی گزارنے پر مجبور ہو گئے جبکہ کرکٹ لیجنڈ کے بارے میں طرح طرح کی افواہیں گردش کرتی رہیں تاہم ایک بھارتی صحافی کرکٹ لیجنڈ کو ڈھونڈے میں کامیاب ہو گئے۔ انٹرویو کے دوران عظیم فاسٹ بالر نے ماضی کے یادگار اسپیلز کا ذکر کیا۔ پیٹرک پیٹرسن کا غربت کے ہاتھوں بولڈ ہونا ویسٹ انڈین کرکٹ بورڈ اور آئی سی سی کے لیے لمحہ فکریہ ہے۔