قائداعظم ٹرافی میں نیا ریکارڈ، فاسٹ بائولر سعد الطاف کی ایک میچ میں 16وکٹیں

میرپور (اُردو پوائنٹ اخبارتازہ ترین - آن لائن۔ 03 نومبر2017ء) قائد اعظم ٹرافی میں فاسٹ باؤلر سعد الطاف نے ایک میچ میں 16 وکٹیں لے کر سہیل خان کا فرسٹ کلاس میچ میں سب سے زیادہ وکٹیں لینے کا دس سال پرانا ریکارڈ توڑ دیا۔میرپور آزاد کشمیر میں کھیلے جارہے میچ میں سعد الطاف نے راولپنڈی کی نمائندگی کرتے ہوئے فاٹا کے خلاف میچ میں 141 رنز دے کر 16 وکٹیں حاصل کر کے پاکستان کی فرسٹ کلاس کرکٹ میں بہترین باؤلنگ کا ریکارڈ اپنے نام کر لیا۔

(جاری ہے)

اس سے قبل یہ ریاکرڈ قومی ٹیم کے فاسٹ باؤلر سہیل خان کے پاس تھا جنہوں نے 2007 میں کھیلے گئے میچ میں 189 رنز دے کر سولہ وکٹیں حاصل کی تھیں۔سعد الطاف نے پہلی انگز میں 62 رنز کے عوض آٹھ اور دوسری اننگز میں 79 رنز کے عوض آٹھ کھلاڑیوں کو ٹھکانے لگایا۔راولپنڈی کی نمائندگی کرنے والے سعد فرسٹ کلاس کرکٹ کے کسی میچ میں 16 وکٹیں لینے والے محض دوسرے پاکستانی باؤلر ہیں۔33 سالہ سعد الطاف 76 فرسٹ کلاس میچوں میں 393 وکٹیں لینے کا اعزاز رکھتے ہیں۔۔