لیوک رونچی نے پی ایس ایل کی تاریخ کی تیز ترین نصف سنچری بنا دی

دبئی (اردو پوائنٹ تازہ ترین اخبار۔18مارچ 2018ء)اسلام آباد یونائیٹڈ کے اوپنر لیوک رونچی نے پاکستان سپر لیگ کے پہلے پلے آف میں کراچی کنگز کے خلاف میچ میں تیز ترین نصف سنچری کا نیا ریکارڈ قائم کردیا۔دبئی میں کھیلے جا رہے میچ میں کراچی کنگز نے اسلام آباد یونائیٹڈ کو فتح کیلئے 155 رنز کا ہدف دیا لیکن لیوک رونچی نے شاندار بیٹنگ کر کے میچ کو یکطرفہ بنا دیا۔

(جاری ہے)

نیوزی لینڈ سے تعلق رکھنے والے جارح مزاج بلے باز نے جارحانہ بیٹنگ کا مظاہرہ کرتے ہوئے صرف 19 گیندوں پر نصف سنچری بنا کر پاکستان سپر لیگ کی تیز ترین ففٹی کا ریکارڈ اپنے نام کر لیا۔انہوں نے 19 گیندوں پر 3 چھکوں اور7 چوکوں کی مدد سے نصف سنچری مکمل کی۔اس سے قبل تیز ترین نصف سنچری کا اعزاز مشترکہ طور پر عمر اکمل اور لیوک رونچی کے پاس تھا جنہوں نے 22 گیندوں پر 50 رنز مکمل کیے تھے۔