بابراعظم جیسے ورلڈ کلاس بلے باز کو آؤٹ کرکے خوشی ہوئی: سٹورٹ براڈ

ساؤتھمپٹن (اردو پوائنٹ تازہ ترین اخبار۔16اگست 2020ء ) انگلش فاسٹ بولر سٹورٹ براڈ نے بابر اعظم کو ورلڈ کلاس بیٹسمین قرار دیتے ہوئے انھیں دوسرے ٹیسٹ میں آؤٹ کرنے پر خوشی کا اظہار کیا ہے۔ سٹورٹ براڈ نے کہا کہ بابراعظم حقیقت میں ایک ورلڈ کلاس پلیئر اور آپ ان کے شاٹس خود دیکھ سکتے ہیں، ہم جانتے ہیں کہ وہ ایک بڑی وکٹ ہیں، میں انھیں آؤٹ کرنے پر بہت زیادہ خوش ہوں، میں سمجھتا ہوں کہ اگر ہم چند مواقع ضائع نہیں کرتے تو پاکستان ٹیم کو بہت جلد پویلین بھیج سکتے تھے۔

(جاری ہے)

واضح رہے کہ ساؤتھمپٹن ٹیسٹ میں بابر اعظم وکٹ پر ڈھائی گھنٹے گزارنے کے بعد 47 رنز پررخصت ہوگئے تھے۔اولڈ ٹریفورڈ ٹیسٹ میں شکست کو بھلا کر پاکستان ساؤتھمپٹن میں انگلینڈ سے دوسرے ٹیسٹ میں مدمقابل ہے جہاں تیسرے روز کا کھیل بارش کی نذر ہوگیا ۔