چندہ جمع کرکے ٹوکیو اولمپکس پہنچنے والی برطانوی ایتھلیٹ نے گولڈ میڈل جیت لیا

ٹوکیو (اردو پوائنٹ تازہ ترین اخبار ۔ 30 جولائی 2021ء ) ٹوکیو اولمپکس کا میلہ آب و تاب کے ساتھ جاری ہے جہاں نت نئے ریکارڈ بن رہے ہیں، کہیں خوشی سےسر شار چہرے ہیں تو کہیں ہارنے پر پُرنم آنکھیں۔ میگا ایونٹ میں آج نئی تاریخ رقم ہوئی جہاں کراؤڈ فنڈنگ سے ٹوکیو اولمپکس تک پہنچنے والی بی ایم ایکس ریسر نے گولڈ میڈل جیت لیا۔

(جاری ہے)

22 سالہ بی ایم ایکس ریسر بیتھ شریور کا تعلق انگلینڈ سے ہے، ٹوکیو اولمپکس میں شرکت کے لئے برطانوی حکومت نے بیتھ شریور کی مدد نہیں کی مگر کھلاڑی نے ہمت نہ ہاری اور کراؤڈ فنڈنگ کے زریعے رقم جمع کرتے ہوئے ٹوکیو اولمپکس میں آپہنچی۔

آج ہونے والی بی ایم ایکس ریسنگ میں 22 سالہ بیتھ شریور نے اپنے ملک سمیت دنیا کو حیران کردیا اور بی ایم ایکس ریسنگ میں دو مرتبہ کی چیمپئن ماریانہ کو ہرا کر انگلینڈ کیلئے پہلا گولڈ میڈل اپنے نام کرلیا۔