معروف باڈی بلڈر یحییٰ بٹ انتقال کرگئے

لاہور (اردو پوائنٹ تازہ ترین اخبار ۔ 6 فروری 2022ء ) معروف باڈی بلڈر یحییٰ بٹ لاہور میں انتقال کر گئے ۔ تفصیلات کے مطابق یحییٰ بٹ سابق مسٹر ایشیا تھے اورکافی عرصے سے بڑی آنت کے کینسر کے مرض میں مبتلا ہونے کے باعث میو ہسپتال میں زیر علاج تھے ،وہ آپریشن کے بعد جانبر نہ ہو سکے۔ یحییٰ بٹ نے 1994ء میں مسٹر ایشیا کا ٹائٹل جیت کر پاکستان کا نام روشن کیا۔

(جاری ہے)

معروف باڈی بلڈر یحییٰ بٹ نے 3 بار مسٹر ایشیا اور 5 بار مسٹر پاکستان، اولمپیا کا ٹائٹل اپنے نام کیا، یحییٰ بٹ کو پاکستان میں پروفیشنل باڈی بلڈنگ کا بانی مانا جاتا ہے ۔