باکسر عامر خان کا فلسطینی عوام کیلئے 50ہزار پانڈ عطیہ دینے کا اعلان

لندن(اُردو پوائنٹ اخبارتازہ ترین - آن لائن۔ 18 اپریل2022ء) پاکستانی نڑاد برطانوی باکسرعامر خان نے فلسطینی عوام کے لیے خطیر رقم کا عطیہ دینے کا اعلان کردیا۔باکسر عامرخان نے سوشل میڈیا سائٹ ٹوئٹر پر 50 ہزار پانڈ عطیہ دینے کا اعلان کیا ہے اور اس مہم میں شامل ہونے والے اور لوگوں کی حوصلہ افزائی بھی کی۔

(جاری ہے)

باکسر عامرخان کا کہنا تھا کہ فلسطین کے حالات پریشان کن ہیں، فلسطینیوں کے ساتھ مسلسل بدسلوکی اور انہیں اذیتیں دی جارہی ہیں، میری دعائیں فلسطین کے لوگوں کے ساتھ ہیں۔

خیال رہے کہ اسرائیلی فوج نے شیلنگ کرکے قبلہ اول آنے والے 17 نمازیوں کو زخمی کردیا۔ اس سے قبل بھی بے لگام اسرائیلی فورسز نے 152 فلسطینیوں کو مسجد اقصی میں زخمی کیا گیا تھا۔ دوسری جانب بڑھتے ہوئے اسرائیلی مظالم کیخلاف فسلطینی مسلم رہنما متحرک ہوگئے ہیں۔