کرسٹیانو رونالڈو کا نومولود بیٹا پیدائش کے فوری بعد انتقال کر گیا

پرتگال (اُردو پوائنٹ اخبارتازہ ترین۔ 18 اپریل2022ء) کرسٹیانو رونالڈو کا نومولود بیٹا پیدائش کے فوری بعد انتقال کر گیا، اسٹار فٹبالر کے ہاں جڑواں بچوں کی پیدائش ہوئی، ٹوئٹر پر بیٹے کے انتقال کی افسوسناک خبر کا اعلان کیا۔ تفصیلات کے مطابق پرتگال سے تعلق رکھنے والے دنیا کے بہترین فٹبالر کرسٹیانو رونالڈو کے ایک اعلان نے دنیا بھر میں موجود ان کے کروڑوں مداحوں کو افسردہ کر دیا۔

(جاری ہے)

سوشل میڈیا پر جاری پیغام میں کرسٹیانو رونالڈو نے بتایا کہ ان کے ہاں جڑواں بچوں کی پیدائش ہوئی، تاہم بدقسمتی سے ان کا نومولود بیٹا انتقال کر گیا، یہ کسی بھی والدین کیلئے سب سے تکلیف والا لمحہ ہوتا ہے ۔ انہوں نے مزید کہا کہ ساتھ ہی بیٹی کی پیدائش نے ہمیں ہمت اور خوشی دی ہے، مداحوں سے گزارش ہے کہ وہ ہماری پرائیوسی کا خیال رکھیں۔