ٹی ٹونٹی بلاسٹ چیمپئن شپ، محمد رضوان کی لگاتار دوسری نصف سنچری

لاہور (اردو پوائنٹ تازہ ترین اخبار ۔ 28 مئی 2022ء ) پاکستان کرکٹ ٹیم کے وکٹ کیپر بلے باز محمد رضوان نے انگلش ویٹالٹی بلاسٹ ٹی20 لیگ چیمپئن شپ میں لگاتار دوسری نصف سنچری بناڈالی۔ قومی کرکٹ ٹیم کے بلے باز محمد رضوان نے ویٹالٹی بلاسٹ میں مسلسل دوسرے نصف سنچری سکور کی، انہوں نے گلوسٹر شائر کے خلاف 43 گیندوں پر 2 چھکوں اور 4 چوکوں کی مدد سے 58 رنز کی اننگز کھیلی۔

(جاری ہے)

محمد رضوان نے اس سے قبل ویٹالٹی بلاسٹ کے اپنے پہلے ہی میچ میں گلیمورگن کاؤنٹی کے خلاف 60 گیندوں پر بطور اوپنر 81 رنز کی ناقابلِ شکست اننگز کھیلی تھی۔ ویٹالٹی بلاسٹ میں ڈیبیو پر 81 رنز کی اننگز کھیلنے کے ساتھ رضوان سب سے بڑا اسکور کرنے والے پاکستانی بن گئے تھے۔ 2015ء میں عمر اکمل نے لیسٹر شائر کی نمائندگی کرتے ہوئے ٹی20 ویٹالیٹی بلاسٹ ڈیبو پر ناقابلِ شکست 76 رنز کی اننگز کھیلی تھی۔