بابر اعظم کی نمبر ون ٹی ٹونٹی پوزیشن کو رضوان اور سوریا کمار سے خطرہ

لاہور (اردو پوائنٹ تازہ ترین اخبار ۔ 6 ستمبر 2022ء ) پاکستان کرکٹ ٹیم کے کپتان بابر اعظم کی نمبر ون ٹونٹی بیٹر کی پوزیشن خطرے میں پڑگئی۔ بابر اعظم کی ایشیا کپ میں لمبی اننگز نہ ہونے کی وجہ سے رینکنگ میں تبدیلی متوقع ہے۔ قومی کپتان ایک ہزار سے زائد دنوں سے پہلی پوزیشن پر برقرار ہیں جنہوں نے ایشیا کپ میں اب تک 10 , 9 اور 14 رنز کی اننگز کھیلی ہیں۔

بابر اعظم کے 810 ، محمد رضوان کے 796 جب کہ سوریا کمار یادیو کے 792 رینکنگ پوائنٹس ہیں۔

(جاری ہے)

دوسری جانب محمد رضوان ایشیاء کپ کے 192 رنز کے ساتھ ٹاپ سکورر ہیں، سوریا کمار یادیو نے ہانگ کانگ کے خلاف 26 گیندوں پر ناقابل شکست 68 رنز بنائے تھے۔ نمبر ون پوزیشن کے لیے بابر اعظم ،محمد رضوان اور سوریا کمار یادیو کے درمیان سخت مقابلہ ہے۔ خیال رہے کہ آئی سی سی کی رینکنگ کا اعلان کل بروز بدھ کیا جائے گا۔