آسٹریلیا، ویسٹ انڈیز ٹیسٹ کی کمنٹری کے دوران دل کی تکلیف کی شکایت پر رکی پونٹنگ ہسپتال منتقل

پرتھ (اردو پوائنٹ تازہ ترین اخبار ۔ 2 دسمبر 2022ء ) آسٹریلیا اور ویسٹ انڈیز کے میچ کے دوران سابق آسٹریلوی کپتان رکی پونٹنگ کو دل کی تکلیف کے باعث ہسپتال منتقل کردیا گیا۔ غیر ملکی میڈیا کے مطابق 47 سالہ سابق آسٹریلوی کپتان رکی پونٹنگ آسٹریلیا اور ویسٹ انڈیز کے درمیان پرتھ ٹیسٹ میں کمنٹری کر رہے تھے کہ اس دوران انہیں دل میں تکلیف کی شکایت ہوئی جس پر انہیں فوری طور پر ہسپتال منتقل کیا گیا۔

(جاری ہے)

میڈیا رپورٹس کے مطابق رکی پونٹنگ کا ایمرجنسی میں طبی معائنہ کیا گیا ہے۔ چینل سیون کے ترجمان کے مطابق رکی پونٹنگ طبیعت ناسازی کی وجہ سے میچ کے بقیہ روز کی کمنٹری نہیں کرسکیں گے۔ میڈیا رپورٹس میں بتایا گیا ہے کہ رکی پونٹنگ کے منیجر کی جانب سے ہفتے کے کے روز میچ کی کمنٹری کرنے یا نہ کرنے سے متعلق کوئی بیان جاری نہیں کیا گیا ہے۔