شاہد آفریدی بھی حارث رئوف کو ٹیسٹ کرکٹ کھلانے کے مخالف نکلے

اسلام آباد (اردو پوائنٹ تازہ ترین اخبار ۔ 5 دسمبر 2022ء ) سابق کپتان شاہد آفریدی نے کہا ہے کہ وہ حارث رؤف کو ٹیسٹ کرکٹ کھلانے کے حق میں نہیں ہیں، کیونکہ حارث کو ہم ون ڈے اور ٹی ٹونٹی کے لیے جتنا بچا کر رکھیں گے اتنا ٹیم کو فائدہ ہوگا۔ تفصیلات کے مطابق پنڈی پچ سے متعلق شاہد آفریدی نے کہا کہ فاسٹ بولرزکو اس پچ پر بہت جان لگانا پڑے گی، اس پچ پر بولر جان لگائے بغیر بولنگ کر ہی نہیں سکتا۔

(جاری ہے)

شاہد آفریدی نے ٹیسٹ سکواڈ میں محمد حسنین کو شامل کرنے کی حمایت کرتے ہوئے کہا کہ اگر حسنین کو ٹی ٹونٹی ورلڈکپ میں چانس نہیں ملا تو اسے ٹیسٹ کھلانا چاہیے تھا، ٹیسٹ ٹیم میں پہلا حق محمد حسنین کا تھا اس کے بعد محمد علی کا تھا کیوں کہ اس کے پاس پیس تھا جس کی وجہ سے آپ کو وکٹ مل سکتی تھی۔ سابق کپتان نے کہا کہ میں حارث روف کے ٹیسٹ کرکٹ کھیلنے کے بالکل حق میں نہیں ہوں کیونکہ حارث کو ہم ون ڈے اور ٹی ٹونٹی کے لیے جتنا بچا کر رکھیں گے اتنا ٹیم کو فائدہ ہوگا۔