رونالڈو کے بعد میسی نے بھی سعودی عرب آنے کی تیاری کرلی

سعودی وزیر سیاحت اس سے پہلے یہ بھی بتاچکے ہیں کہ سب سے زیادہ گولڈن بال کا ایوارڈ جیتنے والے میسی سعودی سیاحت کے سفیر بن گئے ہیں، اس سلسلے میں انہوں نے گزشتہ برس سعودی عرب کے شہر بالخصوص جدہ کے علاوہ بحیرہ احمر کا بھی دورہ کیا تھا۔ قبل ازیں لیونل میسی کے سعودی عرب کے کلب الہلال میں شمولیت کی سنسنی خیز اطلاعات بھی سامنے آچکیں ہیں، اس حوالے سے گلف نیوز نے اطالوی اخبار کا حوالہ دیتے ہوئے رپورٹ کیا کہ سعودی عرب کے کلب الہلال نے اپنے دور کے بہترین فٹ بال کھلاڑیوں میں سے ایک اور اکثر دنیا میں بہترین سمجھے جانے والے لیونل میسی کے ساتھ مستقبل قریب میں اپنی ٹیم میں شامل ہونے کا معاہدہ کیا ہے، الہلال کلب نے کرسٹیانو رونالڈو کے اپنے حریف النصر کلب میں شامل ہونے کے فوراً بعد ہی اپنی کلب شاپ میں میسی کی شرٹس بھی فروخت کے لیے پیش کردی ہیں تاہم اس ممکنہ منتقلی کے بارے میں میسی یا الہلال کلب کی طرف سے تاحال کوئی باضابطہ بیان سامنے نہیں آیا۔