حارث سہیل کی فٹنس پر سوال اٹھنے لگے، موٹاپے والی تصویر زیرِگردش

لاہور (اردو پوائنٹ تازہ ترین اخبار ۔ 9 اپریل 2023ء ) قومی ون ڈے سکواڈ میں منتخب حارث سہیل کی فٹنس پر سوال اٹھنے لگے۔ لاہور میں تربیتی کیمپ کے دوران مڈل آرڈر بیٹر حارث سہیل کی ایک تصویر سامنے آئی جس میں ان کا پیٹ بڑھا ہوا اور جسم قدرے موٹا نظر آرہا ہے۔

(جاری ہے)

  سوشل میڈیا پر یہ تصویر زیرگردش ہوئی تو مختلف تبصرے شروع ہوگئے، صارفین کا کہنا ہے کہ اس طرح کی جسامت سے انٹرنیشنل کرکٹ نہیں کھیلی جاسکتی، ایک نے کہا کہ ایک ایسا کرکٹر جس میں ٹیلنٹ بے پناہ ہے مگر فٹنس پر توجہ نہیں دیتا۔