ٹی ٹونٹی ورلڈکپ سکواڈ کے ممکنہ کھلاڑی کل امریکی ویزے کیلئے اپلائی کریںگے

لاہور (اردو پوائنٹ تازہ ترین اخبار ۔ 28 اپریل 2024ء ) ٹی ٹوئنٹی ورلڈ کپ سکواڈ کے ممکنہ کھلاڑی کل اسلام آباد جائیں گے، قومی کھلاڑی، ٹیم مینجمنٹ کےآفیشلز کل بروز پیر امریکی سفارتخانے پہنچیں گے، ٹی 20 ورلڈ کپ سکواڈ کے ممکنہ کھلاڑی ویزے کیلئے اپلائی کرینگے۔

(جاری ہے)

نجی ٹی وی چینل" جیو نیوز" کے مطابق ذرائع کا کہنا ہے کہ کھلاڑی امریکی سفارتخانے میں کرکٹ کو فروغ دینے کی سرگرمی میں بھی حصہ لیں گے، امریکی سفارتخانے کو پی سی بی نے 35 کھلاڑیوں ، آفیشلز پر مبنی لسٹ دی ہے۔

ذرائع کا مزید کہنا ہے کہ ٹی 20 کے ممکنہ کھلاڑی برطانوی ویزے کیلئے کاکول کیمپ کے فوراً بعد اپلائی کر چکے ہیں، پاکستانی ٹی ٹونٹی سکواڈ مئی میں دورہ آئرلینڈ اور انگلینڈ کے بعد امریکا روانہ ہوگا۔