بابر اعظم اس سال اپنی والدہ کے ہمراہ حج کی سعادت حاصل کریں گے

لاہور (اردو پوائنٹ تازہ ترین اخبار ۔ 29 مئی 2023ء )  پاکستانی کپتان بابر اعظم اپنی والدہ کے ہمراہ جون کے دوسرے ہفتے میں حج ادا کرنے والے ہیں۔ مقامی میڈیا کی رپورٹ کے مطابق افتخار احمد، محمد رضوان، فہیم اشرف اور فخر زمان سمیت کئی دیگر کرکٹرز بھی حج ادا کریں گے۔ مذہبی امور کے وزیر مفتی عبدالشکور نے مارچ میں کہا تھا کہ "اس سال کل 179,210 پاکستانی عازمین حج کریں گے" ۔

سال کے شروع میں بابر اعظم ، افتخار احمد، فہیم اشرف، حارث رؤف اور دیگر قومی کرکٹرز نے رمضان المبارک کے مقدس مہینے میں عمرہ ادا کیا تھا۔

(جاری ہے)

 یاد رہے کہ بابر اور رضوان اس وقت امریکہ میں ہیں اور ہارورڈ بزنس اسکول میں ایک منفرد تعلیمی سفر کا آغاز کرنے والے ہیں۔ یہ دونوں نامور بلے باز دی بزنس آف انٹرٹینمنٹ، میڈیا اور سپورٹس پر توجہ مرکوز کرتے ہوئے معزز ادارے کے ایگزیکٹو ایجوکیشن پروگرام میں داخلہ لینے والے پہلے کرکٹر بن جائیں گے۔

31 مئی سے 3 جون تک، وہ بوسٹن، میساچوسٹس میں ہارورڈ بزنس سکول کیمپس میں کلاسز میں شرکت کریں گے۔