بغیر مصنوعی آکسیجن نانگا پربت سر کروں گا ، ساجد سدپارہ کا اعلان

لاہور (اردو پوائنٹ تازہ ترین اخبار ۔ 16 جون 2023ء ) پاکستانی کوہ پیما ساجد سدپارہ نے اعلان کیا ہے کہ وہ بغیر مصنوعی آکسیجن نانگا پربت کو سر کریں گے۔ نوجوان کوہ پیما ساجد سدپارہ اس کارنامے کو سرانجام دینے کے لیے دنیا کے خطرناک ترین پہاڑوں میں ایک گنے جانے والے نانگا پربت کے بیس کیمپ کی جانب روانہ ہو گئے ہیں اور انہیں امید ہے کہ وہ اگلے ماہ تک نانگا پربت کو سر کرلیں گے۔

8126 میٹر بلند نانگا پربت کو دنیا کا 9واں بلند ترین پہاڑ گنا جاتا ہے۔ ساجد سدپارہ اس عزم کا بھی اظہار کرچکے ہیں کہ وہ 8 ہزار میٹر سے بلند دنیا کی تمام 14 چوٹیاں مصنوعی آکسیجن کے بنا سر کرنا چاہتے ہیں ، پاکستانی کوہ پیما ابھی تک دنیا کی 6 بلند ترین چوٹیاں مصنوعی آکسیجن کا استعمال کیے بنا سر کرنے کا کارنامہ سرانجام دے چکے ہیں۔

(جاری ہے)

ساجد سدپارہ نے اب تک مائونٹ ایوریسٹ، کے ٹو، گیشر برم ون، گیشر برم ٹو، مناسلو اور اناپورنا کو مصنوعی آکسیجن کے بنا سر کیا ہے۔ واضح رہے کہ ساجد سدپارہ لیجنڈری آنجہانی کوہ پیما علی سدپارہ کے بیٹے ہیں جو 5 فروری 2021ء کو کے ٹو سر کرتے ہوئے جان کی بازی ہار بیٹھے تھے۔