شان مسعود کو ٹی ٹونٹی سکواڈ میں شامل نہ کرنے پر وہاب ریاض کا جواب سامنے آگیا

لاہور (اردو پوائنٹ تازہ ترین اخبار ۔ 19 دسمبر 2023ء ) قومی کرکٹ ٹیم کے چیف سلیکٹر وہاب ریاض نےنیوزی لینڈ کیخلاف ٹی 20سکواڈ کا اعلان کرتے ہوئےکہا کہ شاہین شاہ آفریدی ٹی 20ٹیم کی قیادت کریں گے، شان مسعود کے نام پر فی الحال اس سیریز کیلئے غور نہیں کیا گیا ہے، اگر مستقبل میں ضرورت پڑی تو شان مسعود کو ضرور شامل کریں گے۔

(جاری ہے)

وہاب ریاض نے کہا کہ ہماری کوشش ہے کہ ڈومیسٹک کرکٹ میں جس نے اچھا پرفارم کیا ہے انہیں ٹیم میں شامل کریں، ان کا کہنا تھا کہ ہو سکتا ہے کہ سپنر ابرار احمد دوسرے ٹیسٹ کیلئے بھی دستیاب نہ ہوں، ابرار احمد کی فٹنس پر کام کیا جارہا ہے، امید ہے کہ دوسرے ٹیسٹ سے پہلے وہ فٹ ہو جائیں گے۔

چیف سلیکٹر نے کہا کہ سینئر پلیئرز کے ساتھ نوجوان ٹیلنٹ کا ہونا بہت ضروری ہے، ہمیں بیک اپ تیار کرنا ہے۔