افتخار مداح کی جانب سے ’چاچا‘ کہنے پر غصے میں آگئے

ہیملٹن (اردو پوائنٹ تازہ ترین اخبار ۔ 14 جنوری 2024ء ) قومی ٹیم کے مڈل آرڈر بیٹر افتخار احمد کی فین کو میدان میں خاموش کروانے کی ویڈیو سوشل میڈیا پر وائرل ہوگئی۔ سماجی رابطے کی سائٹ ٹوئٹر (ایکس) پر دیکھا جاسکتا ہے کہ ہیملٹن میں کھیلے جارہے سیریز کے دوسرے ٹی20 انٹرنیشنل میں افتخار احمد باؤنڈری لائن پر فیلڈنگ کررہے تھے کہ فین نے انہیں ’’چاچا‘‘ کہہ کر مخاطب کیا گیا جس پر کرکٹر کو غصہ آگیا۔

(جاری ہے)

مڈل آرڈر بیٹر نے غصہ کرتے ہوئے فین کو کہا کہ وہ خاموش ہوجائیں، جس پر فین نے جواب دیا کہ وہ ان کا مداح ہے اور اس کے خاموش ہوجانے سے کیا ہوگا۔ واضح رہے کہ جس دوران افتخار احمد باؤنڈری لائن پر فیلڈنگ کررہے تھے اس وقت پاکستانی بائولرز کیوی بیٹرز سے مار کھا رہے تھے جس پر کرکٹر نالاں تھے۔