وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا

لاہور (اردو پوائنٹ تازہ ترین اخبار ۔ 26 اپریل 2024ء ) قومی ٹیم کے سابق کپتان وقار یونس نے ٹی20 ورلڈکپ کیلئے اپنے 15 رکنی سکواڈ کا انکشاف کردیا۔ نیوزی لینڈ کے خلاف سیریز کے چوتھے ٹی ٹونٹی میچ کے آغاز سے قبل اپنے 15 رکنی سکواڈ میں نوجوان صائم ایوب، فخر زمان اور عثمان خان کیساتھ بابر اعظم کو ٹاپ آرڈر میں جگہ دی۔ سپن بائولنگ اٹیک کیساتھ آل راؤنڈر کے طور پر وقار یونس نے شاداب خان، افتخار احمد، اور عماد وسیم کو ترجیع دی جب کہ ابرار احمد اور اسامہ میر کو بھی اپنے سکواڈ میں شامل کیا۔

(جاری ہے)

فاسٹ بائولنگ لائن اَپ میں سابق لیجنڈری کرکٹر نے شاہین آفریدی، نسیم شاہ، محمد عامر کے علاوہ حارث رؤف کو منتخب کیا جب کہ نوجوان زمان خان اور عباس آفریدی کو کم تجربے کی وجہ سے سکواڈ سے باہر رکھا۔ وقار یونس کے 15 رکنی اسکواڈ میں کپتان بابر اعظم، محمد رضوان، عثمان خان، اعظم خان، افتخار احمد، شاداب خان، فخر زمان، صائم ایوب، عماد وسیم، ابرار احمد، اسامہ میر، شاہین آفریدی، نسیم شاہ، محمد عامر اور حارث رؤف شامل ہیں ۔