شاہین آفریدی نے تیسرے ٹی ٹونٹی میں منفرد ملکی ریکارڈ اپنے نام کر لیا
ٹی ٹونٹی کیریئر میں زیادہ مرتبہ تین یا اس سے زیادہ وکٹیں لینے والے پاکستانی باؤلر بن گئے
ذیشان مہتاب بدھ 15 مئی 2024 12:00
لاہور (اردو پوائنٹ تازہ ترین اخبار ۔ 15 مئی 2024ء ) تیز گیند باز شاہین آفریدی نے ڈبلن میں تیسرے T20I میں آئرلینڈ کے خلاف 3/14 کے اعداد و شمار حاصل کیے اور ایک نیا قومی ریکارڈ اپنے نام کیا۔ اب وہ اپنے T20I کیریئر میں 13ویں بار تین یا اس سے زیادہ وکٹیں لینے والے پہلے باؤلر ہیں جو کہ کسی پاکستانی باؤلر کی طرف سے اننگز میں 3 یا زائد سب سے زیادہ وکٹیں ہیں۔ T20I میں پاکستان کے لیے اننگز میں زیادہ مرتبہ تین یا اس سے زیادہ وکٹیں لینے والے بائولرز میں عمر گل (12) دوسرے، شاداب خان (12) تیسرے ، سعید اجمل (11) چوتھے، محمد عامر (10) پانچویں جب کہ حارث رؤف (9) چھٹے نمبر پر ہیں۔ واضح رہے کہ پاکستان نے تیسرے ٹی ٹوئنٹی میں آئرلینڈ کو شکست دے کر تین میچوں پر مشتمل سیریز 1-2 سے اپنے نام کرلی۔
ڈبلن اسٹیڈیم میں کھیلے گئے سیریز کے آخری اور فیصلہ کن میچ میں پاکستان نے آئرلینڈ کو 6 وکٹوں سے شکست دے دی، آئرلینڈ نے پاکستان کو جیت کیلئے 179 رنز کا ہدف دیا تھا جو پاکستان نے 17 اوورز میں 4 وکٹوں کے نقصان پر حاصل کرلیا۔ پاکستان کی جانب سے بابراعظم نے 75 اور محمد رضوان نے 56 رنز کی شاندار اننگز کھیلی، صائم ایوب 14 اور افتخار احمد 5 رنز بناسکے، اعظم خان 18 اور عماد وسیم 1 رن کے ساتھ ناٹ آؤٹ رہے۔ آئرلینڈ کی طرف سے مارک ایڈیئر نے 3 اور کرگ ینگ نے ایک وکٹ حاصل کی۔ قبل ازیں پاکستان نے ٹاس جیت کر بولنگ کا فیصلہ کیا تھا، آئرلینڈ نے پہلے بیٹنگ کرتے ہوئے مقررہ 20 اوورز میں سات وکٹوں کے نقصان پر 178 رنز بنائے۔ لورکن ٹکر نے 73 رنز کی شاندار اننگز کھیلی جبکہ اینڈی بیلبرین 35 رنز کے ساتھ نمایاں رہے۔ ہیری ٹیکٹر 30 اور گراہم ہوم 10 رنز کے ساتھ ناٹ آؤٹ رہے، اسکے علاوہ کوئی بھی آئرش بیٹر ڈبل فگرز میں داخل نہ ہوسکا۔ پاکستان کی طرف سے شاہین آفریدی نے 3، عباس آفریدی نے 2، محمد عامر اور عماد وسیم نے ایک، ایک وکٹ حاصل کی۔
(جاری ہے)
وقت اشاعت : 15/05/2024 - 12:00:25
مزید متعلقہ خبریں پڑھئیے :
Pakistan tour of England 2024
ICC Men's T20 World Cup 2024
Browse Cricket
Browse Sports
Sports News In Urdu
-
فرنچ اوپن ٹینس ویمنز سنگلز،آریاناسبالینکا، ایلینا ریباکینا،میڈیسن کیز اور وکٹوریہ آزارینکانے دوسرے رائونڈ میں جگہ بنالی
-
انگلینڈ اور پاکستان کی کرکٹ ٹیموں کے درمیان چار ٹی ٹونٹی میچوں کی سیریز کا چوتھامیچ جمعرات کوکھیلا جائے گا
-
امریکا میں ٹی ٹوئنٹی ورلڈکپ کیلئے تعمیر کیے جانے والے اسٹیڈیم کو نقصان پہنچنے کی اطلاعات
-
پاک انگلینڈ تیسرا ٹی ٹوئنٹی منسوخ کر دیا گیا
-
پاک انگلینڈ تیسرا ٹی ٹوئنٹی تاخیر کا شکار ہو گیا
-
دبئی پولو کلب اور اسلام آباد پولو کلب کی جونیئر ٹیموں کے درمیان پولو سیریز اختتام پذیر ہو گئی