ملکی تاریخ میں پہلی بار آسٹریلین والی بال ٹیم 26 مئی کو پاکستان پہنچے گی

اسلام آبا د(اُردو پوائنٹ اخبارتازہ ترین - این این آئی۔ 20 مئی2024ء) ملکی تاریخ میں پہلی بار آسٹریلین والی بال ٹیم تین میچوں کی سیریز کھیلنے 26مئی کو پاکستان پہنچے گی۔ پاکستان والی بال فیڈریشن کے چیئرمین چوہدری محمد یعقوب کے مطابق آسٹریلین والی بال فیڈریشن نے خود پاکستان کیساتھ تین میچوں کی سیریز کھیلنے کی خواہش کا اظہار کیاتھا جس کے بعد ایونٹ کی تیاریوں کیلئے تمام انتظامات کو حتمی شکل دیدی گئی ہے۔

(جاری ہے)

انہوں نے بتایا کہ آسٹریلین ٹیم ملکی تاریخ میں پہلی بار 26می کو پاکستان پہنچے گی جو قومی والی بال ٹیم کیخلاف 28، 29، 30مئی کو اسلام آباد میں میچز کھیلیں گی۔ چوہدری یعقوب نے کہا کہ سینٹرل ایشین والی بال لیگ میں قومی ٹیم ناقابل شکست رہتے ہوے ایونٹ کا ٹاٹل جیتنے کا اعزاز حاصل کیا، امید ہے کہ آسٹریلیا جیسی مضبوط ٹیم کیخلاف بھی پاکستان شاندار کارکردگی دکھائیگا، ہماری پوری کوشش ہے کہ محدود وسال کے باوجود قومی ٹیم کو زیادہ سے زیادہ انٹرنیشنل میچز کھیلنے کو مل سکیں۔آسٹریلیا کیخلاف بہتر نتاج کیلئے پرامید ہیں۔