رستم زماں گاما پہلوان کی 64ویں برسی کل (جمعرات) کو منائی جائے گی

جہانیاں(اُردو پوائنٹ اخبارتازہ ترین - آن لائن۔ 22 مئی2024ء) رستم زماں گاما پہلوان کی 64ویں برسی 23مئی جمعرات کو منائی جائے گی ۔ غلام حسین المعروف گاما پہلوان 22مئی1878کو بھارتی شہر امرتسر میں پیدا ہوئے۔انہوں نے 1910 ء کولندن میں زی بیسکو کو چت کر کے رستم زمان کا ٹائٹل اپنے نام کیا۔

(جاری ہے)

پوری دنیا کو چیلنج کرنے والے گاما پہلوان اپنی52 سالہ کیریئر میں ناقابل شکست رہے اس لیے انہی ’’ رستمِ زماں’’ کہا جاتا ہے، وہ قدیم فنِ پہلوانی کے بانیوں میں سے تھے۔

15 اکتوبر، 1910ء کو انہیں جنوب ایشیائی سطح پر ورلڈ ہیوی ویٹ چیمپئن شپ کے اعزاز سے نوازا گیا تھا، پہلوانی کی پوری تاریخ میں وہ واحد پہلوان ہیں جنہیں 50 سال سے زیادہ عرصہ پر محیط کیریئر میں ایک بار بھی شکست کا سامنا نہیں کرنا پڑاقیامِ پاکستان کے بعد وہ لاہور منتقل ہو گئے، جہاں انہوں نے اپنے بھائی امام بخش اور بھتیجوں بھولو برادران کے ساتھ بقیہ زندگی گزاری، رستم زماں گاما پہلوان 23 مئی، 1960ء کو لاہور میں انتقال کر گئے۔