جرمنی کے جارج سٹین ہاوزرنے گیرو ڈی اٹالیہ سائیکل ریس کا 17واں مرحلہ جیت لیا

روم (اُردو پوائنٹ اخبارتازہ ترین - اے پی پی۔ 23 مئی2024ء) جرمنی کے سائیکل سوار جارج سٹین ہاوزر نے گیرو ڈی اٹالیہ سائیکل ریس کا 17 واں مرحلہ جیت لیا۔ اٹلی میں گیرو ڈی اٹالیہ کا 107 واں ایڈیشن جاری ہے جس میں سائیکلنگ کی دنیا کے نامور سائیکل سوار ٹائٹل کے حصول کے لئے کوشاں ہیں۔ گیرو ڈی اٹالیہ سائیکل ریس کے 17ویں مرحلے میں سائیکل سوار وں نے سیلوا دی ویل گارڈینا سے پاسو ڈیل بروکن تک کا فیصلہ طے کرناتھا۔

یہ مرحلہ پہاڑی راستے پر تھا ، جس کا فاصلہ 159کلو میٹر پر محیط تھا ۔22 سالہ جرمنی کے جارج سٹین ہاوزر نے عمدہ سائیکلنگ کا مظاہرہ کرتے ہوئے 159کلومیٹر کا فاصلہ 4گھنٹے 28منٹ اور 51 سیکنڈز میں طے کرکے 17ویں مرحلے میں پہلی پوزیشن حاصل کی۔ 25سالہ سلووینیا کے سائیکل سوارتڈیج پوگاچر نے دوسری جبکہ 22 سالہ اطالوی سائیکلسٹ انتونیو ٹیبیری نے تیسری پوزیشن حاصل کی۔

(جاری ہے)

ریس میں سلووینیا کے سائیکل سوارتڈیج پوگاچر کا پنک جرسی پر قبضہ برقرار ہے ۔ گزشتہ سال گیرو ڈی اٹالیہ سائیکل ریس ٹیم جمبو ویزما کے سلووینین سائیکل سوار پریموز روگلک نے جیتی تھی، وہ رواں ایڈیشن میں شامل نہیں ہیں تاہم رواں سال تڈیج پوگاچر سلووینیا کی نمائندگی کر رہے ہیں۔ گیرو ڈی اٹالیہ ایک گرینڈ ٹور سائیکلنگ سٹیج ریس ہے جو تین ہفتوں میں مکمل ہوگی جس میں دنیا کے نامور سائیکلسٹ شریک ہیں۔ گیرو ڈی اٹالیہ سائیکل ریس 21 مرحلوں پر محیط ہے جس میں سائیکل سوار 3400.8 کلو میٹر کا سفر طے کریں گے۔ گیرو ڈی اٹالیہ سائیکل ریس میں 22 ٹیمیں ٹائٹل کے حصول کے لئے کوشاں ہیں۔ گیرو ڈی اٹالیہ سائیکل ریس 23 روز جاری رہنے کے بعد 26 مئی کو اختتام پذیر ہوگی۔\932