صوبائی وزیر کھیل سے اولمپیئن ارشد ندیم کی ملاقات، اولمپکس کی تیاریوں پرتعاون کی یقین دہانی

لاہور (اُردو پوائنٹ اخبارتازہ ترین - اے پی پی۔ 24 مئی2024ء) وزیر کھیل و امور نوجوانان پنجاب ملک فیصل ایوب کھوکھر سے پیرس اولمپکس کی تیاریوں میں مصروف جیولن تھرو کے اولمپئن ارشد ندیم نے جمعتہ المبارک کو نیشنل ہاکی سٹیڈیم میں ملاقات کی،اس موقع وزیر کھیل پنجاب فیصل ایوب کھوکھر نے ارشد ندیم کو اولمپکس کی تیاریوں کے لیے ہر ممکن تعاون کی یقین دہانی کروائی ،وزیر کھیل پنجاب فیصل ایوب کھوکھر نے کہا ہے کہ ارشد ندیم پاکستان کا فخر ہیں،ہم کافی پر امید ہیں کہ وہ پیرس اولمپک گیمز میں ملک کے لیے گولڈ میڈل جیتیں گے، میاں چنوں میں ارشد ندیم سٹیڈیم کی تعمیر جلد شروع کرنے کے احکامات جاری کر دیئے گئے ہیں،ارشد ندیم پاکستان کے نوجوان کھلاڑیوں کے لیے ایک حقیقی رول ماڈل ہیں،پیرس اولمپکس کے لیے روانگی سے قبل ارشد ندیم کی حوصلہ افزائی کے لیے ایک خصوصی تقریب کا اہتمام بھی کیا جائے گا۔