بابر اعظم کو کپتانی آتی ہے تبھی تو وہ 5 سال قومی ٹیم کا کپتان رہا ہے : عمراکمل

ٹائٹل نہیں جیتا تو پی سی بی کو دیکھنا چاہئے، 2 سال بعد نظر آجاتا ہے کہ یہ کپتان ہے یا نہیں ہے : ٹیسٹ کرکٹر

ذیشان مہتاب جمعرات 1 مئی 2025 12:39

بابر اعظم کو کپتانی آتی ہے تبھی تو وہ 5 سال قومی ٹیم کا کپتان رہا ہے : عمراکمل

لاہور (اردو پوائنٹ تازہ ترین اخبار ۔ یکم مئی 2025ء ) پاکستانی کرکٹر عمر اکمل بھی بابر اعظم کی کپتانی پر بول پڑے۔

نجی ٹی وی سے گفتگو کرتے ہوئے 34 سالہ عمر اکمل نے کہا کہ بابر اعظم کو کپتانی آتی ہے تبھی تو پانچ سال تک وہ قومی ٹیم کا کپتان رہا ہے۔

ایک سوال کے جواب میں عمر اکمل نے کہا کہ ٹائٹل نہیں جیتا تو یہ پی سی بی کو دیکھنا چاہیے، ہر دو سال کے بعد ٹی 20 ورلڈ کپ اور چار سال کے بعد ون ڈے ورلڈ کپ آتا ہے ، 2 سال بعد نظر آجاتا ہے کہ یہ کپتان ہے یا نہیں ہے۔

(جاری ہے)

انہوں نے کہا کہ پی سی بی کو چاہیے تھا کہ بابر سے کپتانی لے پھر پانچ سال اسے کپتان کیوں رکھا۔

میزبان نے سوال کیا کہ بابر پی ایس ایل میں بھی چوتھی مرتبہ کپتانی کررہے ہیں، جواب میں عمر اکمل نے کہا کہ پھر فرنچائز کو چاہیے کہ انہوں نے کپتان کیوں بنا رکھا ہی عمر اکمل نے کہا کہ فرنچائز سے پوچھیں کہ انہوں نے بابر کو کپتان کیوں برقرار رکھا ہوا ہے۔

وقت اشاعت : 01/05/2025 - 12:39:37