اسپین کے سابق ٹینس چیمپئن رافیل نڈال کے نام پر فراڈ ہونے لگا

میڈرڈ(اُردو پوائنٹ اخبارتازہ ترین - آن لائن۔ 24 ستمبر2025ء)اسپین کے سابق ٹینس چیمپئن رافیل نڈال کے نام پر فراڈ ہونے لگا ہے جس کے بارے میں انہوں نے خود ہی لوگوں کو خبردار کردیا ہے۔

(جاری ہے)

39 سالہ رافیل نڈال نے کہا ہے کہ میرے نام پر اے آئی (آرٹیفشل انٹیلیجنس) ویڈیوز کے ذریعے سرمایہ کاری کی تجاویز دی جارہی ہیں، یہ دھوکا دہی کے لیے اشتہار ہیں جن سے محتاط رہا جائے۔ان کا کہنا ہے کہ میں نے اس مواد کے لیے کسی معاہدہ نہیں کیا ہے۔واضح رہے کہ دنیا بھر میں مشہور شخصیات کی ایسی جعلی ویڈیوز پہلے بھی کئی مرتبہ سامنے آچکی ہیں۔