آزادی کپ بیڈمنٹن ٹورنامنٹ آج راولپنڈی میں شروع ہو گا

اسلام آباد (اُردو پوائنٹ اخبارتازہ ترین - اے پی پی۔ 13 اگست2026ء) ڈسٹرکٹ سپورٹس ڈیپارٹمنٹ راولپنڈی اورراولپنڈی سٹوڈنٹس اولمپک ایسوسی ایشن کے تعاون سے آزادی کپ سٹوڈنٹس اولمپک بیڈمنٹن ٹورنامنٹ آج جمعہ کو شہباز شریف سپورٹس کمپلیکس ، راولپنڈی میں کھیلا جائے گا۔

(جاری ہے)

راولپنڈی سٹوڈنٹس اولمپک ایسوسی ایشن کے صدر اور مطاہر بیڈمنٹن اکیڈمی کے ہیڈ کوچ مطاہر سہیل نے شہباز شریف سپورٹس کمپلیکس راولپنڈی میں میڈیا سے گفتگو کرتے ہوئے بتایا کہ ٹورنامنٹ کے تمام انتظامات مکمل کر لئے گئے ہیں اور ٹورنامنٹ میں اسلام آباد اور راولپنڈی کے کھلاڑی حصہ لیں گے اور ایونٹ میں شرکت کی خواہش رکھنے والے کھلاڑی اپنے، اپنے ناموں کی رجسٹریشن آج جمعہ کو صبح دس بجے تک کروا سکتے ہیں۔

ٹورنامنٹ آرگنائزنگ سیکرٹری کے فرائض مطاہر بیڈمنٹن اکیڈمی راولپنڈی کے کوچ عماد مطاہر انجام دیں گے۔ مزید معلومات کے لئے وٹس ایپ نمبر 03365114710 اور 03215354000 پر رابطہ قائم کیا جا سکتا ہے۔ ٹورنامنٹ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔