سکھر، گولا برادری کے ریاض احمد کامحکمہ پولیس کیخلاف احتجاج

جمعرات 12 جنوری 2017 19:49

سکھر(اُردو پوائنٹ اخبارتازہ ترین - آن لائن۔ 12 جنوری2017ء) گھوٹکی کے نواحی علاقے کے مکین گولا برادری سے تعلق رکھنے والے ریاض احمد ولد غلام محمد گولا نے سکھر پریس کلب کے سامنے احتجاج کرتے ہوئے بتایا کہ محکمہ پولیس کے ڈپارٹمنٹ (آر ٹی سی ) کے انچارج سید علی رضا نے دیگر افراد کیساتھ ملکر 2014میں پولیس بھرتی کیلئے مجھ سے آٹھ لاکھ روپے وصول کئے ، آفر لیٹر سمیت دیگر ضروری دستاویزات مکمل کرنے کے بعد ٹریننگ دی گئی اور مختلف جگہوں پر تعینات کیا گیا بعد میں محکمہ پولیس نے میرے آفر لیٹر کو جعلی قرار دیتے ہوئے میری تنخواہ بند کر دی جب میں نے سید علی رضا سے جعلی آفر لیٹر کے حوالے سے آگاہ کیا تو اس نے مجھے لینی والی رقوم لوٹنے کا کہا اور آٹھ لاکھ میں سے چار لاکھ کا چیک دیا جو بونس ہو گیا اب شکایات پر مذکورہ ملوث افراد مجھے سنگین نتائج کی دھمکیاں دے رہے ہیں مجھے انصاف و تحفظ فراہم کرتے ہوئے جعلسازی کرنے والے افراد کے خلاف کاروائی عمل میں لائی جائے ۔