محمد عامر اور ٹیم مینجمنٹ میں کوئی اختلافات نہیں ، نہ کوئی وارننگ جاری کی گئی ‘ پی سی بی

لاہور (اُردو پوائنٹ اخبارتازہ ترین - این این آئی۔ 02 دسمبر2016ء) پاکستان کرکٹ بورڈ نے میڈیا میں گردش کرنے والی ان خبروں کی تردید کی ہے کہ فاسٹ بائولر محمد عامر کو بیان بازی پر وارننگ جاری کی گئی ہے،پی سی بی کے مطابق محمد عامر کو وارننگ جاری نہیں کی گئی۔

(جاری ہے)

میڈیا میں آنے والی ان خبروں میں کوئی صداقت نہیں کہ ڈراپ کیچز کے حوالے سے محمد عامر کے بیان پر ٹیم مینجمنٹ ناراض ہے۔

محمد عامر اور ٹیم مینجمنٹ میں کوئی اختلافات نہیں ہیں۔محمد عامر نے ایک انٹرویو میں کہا تھا کہ یہ بات تکلیف دہ ہے کہ وہ بائیس گز سے بھاگ کر آتے ہیں اور فیلڈرز کیچ گرا دیتے ہیں۔ انٹرنیشنل کرکٹ میں واپسی کے بعد ان کی بولنگ پر بیس کیچز ڈراپ کیے جا چکے ہیں۔ محمد عامر نے کہا تھا کہ ڈراپ کیچز ان سے زیادہ ٹیم کے لیے نقصان دہ ہیں۔