ریلوے انٹر ڈویژنل فٹ بال چمپئن شپ

ملتان ڈویژن نے کراچی ڈویژن کو 2-0 گول سے ،لاہور ڈویژن نے پشاور ڈویژن کو 3-1 گول سے ہرا دیا

جمعرات 19 جنوری 2017 13:22

لاہور(اُردو پوائنٹ اخبارتازہ ترین - این این آئی۔ 19 جنوری2017ء) پاکستان ریلوے سپورٹس بورڈ کے زیر اہتمام انٹر ڈویژنل فٹ بال چمپئن شپ کے مقابلے مغلپورہ انسٹیٹیوٹ گرائونڈ پر جاری ہیں۔ ملتان ڈویژن نے کراچی ڈویژن کو 2-0 گول سے جبکہ لاہور ڈویژن نے پشاور ڈویژن کو 3-1 گول سے ہرادیا۔ اس موقع پر ایڈیشنل جنرل مینجر میکینکل لیاقت علی چغتائی مہمانِ خصوصی تھے جب یہ گرائونڈ پر پہنچے تو ان کا شاندار استقبال کیا گیا۔

پھولوں کی پتیاں نچھاور کی گئیں۔ ان کا آفیشلز اور کھلاڑیوں سے تعارف کروایا گیا۔ اس موقع پر ڈی ایس ورکشاپس سلمان صادق شیخ، ڈویژنل سپورٹس آفیسر ورکشاپس محمد اسماعیل، محمد اسحاق بٹ، ریلوے فٹ بال ٹیم مینجر شیخ محمد انور، انٹرنیشنل ونیشنل کھلاڑی اور تماشائیوں کی بڑی تعداد موجود تھی۔

(جاری ہے)

پہلے ہاف کے اختتام پر مقابلہ 1-0 گول تھا۔ ملتان ڈویژن کی طرف سے کھیل کے آٹھویں منٹ میں مبشر کالا نے پینلٹی کک کے ذریعے گول کیا۔

کھیل کے 87 ویں منٹ میں مبشر کالا نے ہی پینلٹی کک کے ذریعے گول کرکے اپنی ٹیم کو 0 کے مقابلے میں 2 گول کی برتری دلا دی۔ دوسرے میچ میں لاہور ڈویژن نے پشاور ڈویژن کو 3-1 گول سے ہرا دیا۔ نعیم ہیرا کی ہیٹرک۔ کھیل کے 9 ویں منٹ میں پشاور کی طرف سے نوید شاہ نے گول کرکے اپنی ٹیم کو 1 گول کی برتری دلا دی۔ کھیل کے 39 ویں، 45 ویں اور 83ویں منٹ میں لاہور ڈویژن کے نعیم ہیرا نے عمدہ کھیل کے ذریعے گول داغے اور اپنی ٹیم کو 3-1 گول سے کامیابی دلادی۔ طارق مسعود میچ کمشنر، رئوف باری ریفری اسیسر جبکہ زبیر شہزاد، محمد امجد، عدیل انور اور شمس پرویز نے ریفری کے فرائض انجام دیئے۔
وقت اشاعت : 19/01/2017 - 13:22:52

مزید متعلقہ خبریں پڑھئیے‎ :

متعلقہ عنوان :