نگران وزیراعلیٰ پنجاب حسن عسکری کا وزیراعلیٰ شکایت سیل کا دورہ،
سائلین کے مسائل فوری حل کرنے کے احکامات دئیے عوام کو ریلیف کی فراہمی حکومت کا بنیادی فرض،شکایت سیل میں آنیوالی درخواست پر رپورٹ کے بعد جلد کارروائی عمل میں لائی جائیگی وزیراعلیٰ شکایت سیل میں درج کرائی جانے والی شکایات پر فوری ایکشن ہوگا،ڈاکٹر حسن عسکری ہم آنیوالی حکومت کے لئے ایک مثال قائم کرنا چاہتے ہیں،منتخب حکومت جب آئے گی تو ہم ان کیلئے کچھ تجاویز چھوڑ کر جائیںگے نگران سیٹ اپ مکمل طورپر غیر جانبدار ہے ،اگرکسی کو پنجاب حکومت سے شکایت ہے تو اسے دور کرنے کیلئے پوری کوشش کریںگے
بدھ 11 جولائی 2018 20:50
(جاری ہے)
انہوں نے کہا کہ عوام کے مسائل حل کرنا حکومت کی ذمہ داری ہے ۔
نگران وزیراعلیٰ نے شکایت سیل میں کام کرنے والے عملے سے بھی ملاقات کی۔صوبائی وزراء ضیاء حیدر رضوی، احمد وقاص ریاض اور متعلقہ حکام بھی اس موقع پر موجود تھے۔بعدازاں میڈیا سے گفتگو کرتے ہوئے نگران وزیراعلیٰ پنجاب ڈاکٹر حسن عسکری نے کہا کہ عوام کو ریلیف کی فراہمی حکومت کا بنیادی فرض ہے،شکایت سیل میں آنیوالی ہر درخواست پر محکمانہ رپورٹ کے بعد جلد ازجلد کارروائی عمل میں لائی جائیگی۔محکمہ ریونیو ،پولیس اوردیگر محکموں سے متعلق عوامی شکایات کے ازالے کیلئے شکایات سیل میں متعلقہ محکموں کے نمائندے موجود ہوںگے۔ڈاکٹر حسن عسکری نے کہا کہ عوام شکایات کیلئے آن لائن،بذریعہ ڈاک،ای میل یا براہ راست درخواست دے سکتے ہیں،عوام کی طرف سے آنیوالی درخواست پر محکمانہ کارروائی یقینی بنائی جائے گی،شکایت سیل کو عوام کی ضرورت کے پیش نظر ازسرنو فعال کرنے کا فیصلہ کیا گیا ہے اورہم اپنی محدود مدت میں شکایت سیل کی کارکردگی کو بہتر بنانے پر بھر پور توجہ دیں گے۔انہوںنے کہا کہ ہماری حکومت جس حد تک ممکن ہے عوام کو ریلیف دینے کی پوری کوشش کررہی ہے اور اس شکایت سیل کو دوبارہ فعال بنانا بھی اسی مقصد کے پیش نظر کیاگیا ہے ۔انہوںنے کہا کہ عوام کو ریلیف دینا ہر حکومت کی ذمہ داری ہے ۔شکایت سیل کے فعال ہونے سے لوگوں کے مسائل بہتر انداز سے حل ہوںگے اورمعاملات درست ہوسکیںگے۔انہوںنے کہاکہ اس سیل میں درج کرائی جانے والی شکایات پر فوری ایکشن ہوگا ،تاہم یہ ایکشن شکایت کے حوالے سے آنے والی رپورٹ کی روشنی میں لیا جائے گا۔ انہوںنے کہا کہ زیادہ تر شکایات کا تعلق پولیس سے ہوتا ہے یا مالی امداد کی درخواستیں آتی ہیں ۔ہم چاہتے ہیں کہ لوگوں کے یہ مسائل تسلی بخش انداز میں حل ہوںاوراسی لئے شکایت سیل فعال کیا گیا ہے ۔انہوںنے کہاکہ میں وعدہ کرتا ہوں کہ شکایات کے ازالے کیلئے تیزی سے کارروائی ہوگی تاکہ سائلین کو حقیقی معنوں میں ریلیف مل سکے۔ایک سوال کے جواب میں انہوںنے کہا کہ ہماری کوشش ہوگی کہ شکایت کو کم سے کم وقت میں نمٹایا جائے اورغیر ضروری تاخیر نہ ہو۔ہم آنے والی حکومت کے لئے ایک مثال قائم کرنا چاہتے ہیں ۔منتخب حکومت جب آئے گی تو ہم ان کیلئے کچھ تجاویز چھوڑ کر جائیںگے جس سے عوام کے روزمرہ معاملات میں بہتری لائی جاسکے اورانہیں ریلیف مہیا کیا جاسکے۔انہوںنے کہا کہ عوام کے مسائل حل کرنا اور عوام کی بہتری کیلئے کام کرنا حکومت کا کام ہے ۔انہوںنے کہا کہ موجودہ نگران سیٹ اپ مکمل طورپر غیر جانبدار ہے اوراگرکسی کو پنجاب حکومت سے کوئی شکایت ہے تو وہ ہمیں بتائیں ہم اس شکایت کو دور کرنے کیلئے پوری کوشش کریںگے تاہم بہت سے معاملات کا تعلق وفاقی حکومت اورالیکشن کمیشن سے ہے۔جو شکایت پنجاب حکومت کے بارے میں ہوگی اس کافوری نوٹس لیا جائے گااورہم اس کے ازالے کیلئے کام کریںگے۔بلاول بھٹو کے قافلے کو روکے جانے کے حوالے سے پوچھے گئے سوال کے جواب میں انہوںنے کہاکہ اوچ شریف میں پیش آنے و الا معاملہ حل ہوچکا ہے اورمیرا خیال ہے کہ یہ سب کچھ قافلے کا روٹ بدلنے سے ہوااوراس سے ایشو پیدا ہوا،جسے بروقت حل کیا گیا۔ایک اورسوال کے جواب میں انہوںنے کہاکہ سرکردہ رہنماؤں اورامیدواروں کی سیکورٹی پر خصوصی توجہ دی جارہی ہے اوراس ضمن میں متعلقہ اداروں اورمحکموں کو ہدایات جاری کیں جاچکی ہیں ۔متعلقہ عنوان :
لاہور میں شائع ہونے والی مزید خبریں
ڈی آئی جی آپریشنز کا شہر کے مختلف علاقوں کا دورہ ،سکیورٹی انتظامات کا جائزہ لیا
محکمہ وائلڈ لائف کی کارروائی، سمگل شدہ جنگلی پرندوں کی بڑی کھیپ برآمد
شہریوں کی جان و مال کا تحفظ ہماری اولین ذمہ داری ہے، ڈی آ ئی جی آ پریشنز
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
وزیراعلیٰ مریم نواز پنجاب میں خدمت کے نئے ریکارڈ قائم کریں گی، نسرین اختر ملک
وزیراعلیٰ پنجاب کی ہدایت پر سرکاری نرخ پر روٹی پر فروخت نہ کرنے والوں کیخلاف کریک ڈاون جاری
وزیر اعلی ٰمریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد ..
وزیراعلیٰ پنجاب مریم نواز سے اے ڈی ایم ہولڈنگ لمیٹڈ کے وفد کی ملاقات
پنجاب بھرمیں1236ٹریفک حادثات میں11افراد جاں بحق1295زخمی ہوئے
وزیراعلیٰ پنجاب پنک گیمز کے کامیاب انعقاد کیلئی9 انتظامی کمیٹیاں تشکیل
ڈی جی سپورٹس پرویز اقبال کی زیر صدارت پہلی وزیراعلیٰ پنجاب پنک گیمز 2024کے حوالے سے اہم اجلاس
مسلم لیگ (ن) کی مرکزی جنرل کونسل کا اجلاس 11مئی کو طلب
لاہور سے متعلقہ
پاکستان کی تازہ ترین خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
سونے کی قیمتوں میں اضافے کا رجحان برقرار
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
محمود خان اچکزئی کے وارنٹ گرفتاری جاری
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار