اپنا حوصلہ خود بنیں

اپنا حوصلہ خود بنیں۔ دکھ میں اپنا سکھ خود بنیں۔ دکھ میں اپنی بازوکی تھپکی خود بنیں۔ اپنا سکون خود بنیں۔ کسی دوسرے پر انحصار کرنا چھوڑ دیں۔ وہ حوصلہ جو آپ خود بنائیں گے وہ حوصلہ جو بغیر دوسرے کی نفسیاتی باتوں کے سہارے بنائیں گے وہ حوصلہ ہی تو پتھر ہوگا، چٹان ہوگا، پہاڑ ہوگا، وہی حوصلہ تو آپ کو جیتا دے گا، وہ ہی حوصلہ تو آپ کو پار لگا دے گا ۔

کامیاب کر دے گا۔
 خود کو اپنے ہی آنچل میں سمیٹنا سیکھو۔ خود سے گلے لگ کر خود ہی رو لوں اور پھر خود ہی چپ کر جانا سیکھو۔ ایسی طاقت بن جاؤ گے کہ جنتر منتر بھی نہ توڑ سکیں گے ۔ جب انسان اپنا حوصلہ خود بن جاتا ہے تو سامنے والا آپ کو ہرانے کی ہر کوشش میں اگر ہارے نہ سہی تو سوچ میں ضرور پڑ جاتا ہے۔
 اس لئے بجائے کسی کا سہارا لینے کے ماہر نفسیات کے پاس جانے کے بجائے ،کسی کو غم سنانے کے، اپنا غم خود ہلکہ کریں۔

(جاری ہے)

اپنی طاقت خود بنیں۔
 قدم بڑھائیں اور اپنا حوصلہ خود بنیں۔اپنا حوصلہ جب تک خود کو نہیں بنائیں گے تو کامیاب نہیں ہو سکیں گے ۔۔ خود۔ اعتمادی کے ساتھ کھیلے جانے والے کھیل نہیں کھیل سکیں گے۔۔ جو مزہ اپنے بل بوتے پر کرنے کا یے وہ کسی کے سہارے پے کرنے کا نہیں ہے۔۔ آپ کسی اور کے سہارے سنبھل کر چل تو سکتے ہو لیکںن خوشی نہیں ثاصل کر سکتے۔

۔ وہ خوشی جو اپ کو بے ساکھی کے ملے گی اس کا اندازہ آپ خوشی ملنے کے بعد ہی کر سکتے ہیں۔۔ اپنا حوصلہ آپ جب خود بن جائیں گے تو خود اعتمادی، خوشحالی، مطمئینی ، سکون ، عزت ، آپ کے مقدر کے ستارے میں گردش کریں گے۔۔ جب بھی آپ کسی اور کے سہارے کے بنا چلیں گے تو آپ کے اندرونی اوصاف چمک دمک کر اور کندن بن کر سامنے ائیں گے۔۔ آپ سنبھلنے کے لیئے یا پھر عزت شہرت یا پھر اپنے مقاصد کی تکمیل کے لیئے کسی دوسرے کا سہارا لیں گے ہو سکتا ہر وقتی طور پر سہارا تو مل جائے گا لیکن اس شخص کا جو احسان آپ کے سر اجائے گا وہ آپ کے اتارنے سے بھی نہیں اترے گا۔

۔ اس لیئے زندگی میں اپنی سیڑھی خود بنیں چاہے وہ لکڑی کے ڈنڈوں والی سیڑھی ہو۔۔۔ کہا جاتا ہے کہ کسی کے نان مرغے سے اپنی دال بہتر ہے۔۔ اس کا مطلب یہ ہی ہوا کہ آپ کا اپنا پیدا کیا حوصلہ کسی دوسرے کے سہارے سے لیئے حوصلے سے بہتر ہے۔۔۔ خود اکیلے چلو گے تو کارواں بھی بنے گا۔۔ خود چلو گے تو منزل کا نشاں بھی نظر آئے گا۔۔۔ دوسروں پر انحصار کرنا چھوڑ دیں۔

دوسروں سے امیدیں رکھنا چھوڑ دیں ۔۔ دوسروں کو اپنی کہانی سنانا بند کردیں۔۔ اپنا سہارا ، اپنا دوست ، اپنا حوصلہ ، اپنی ہمت، اور یہاں تک کہ اپنی خوشی بھی خود بنیں ۔۔۔ زندگی میں کبھی بھی ناکام ہو کر ہمت مت ہاریں۔ لوگوں کی باتوں پر توجہ دینا چھوڑ دیں۔ ہر کوئی آپ کے اندرونی معاملات اور حالات و واقعات کو کوئی نہیں جانتا وہ آپ کو مشورہ یا تو اپنے مفاد کی بنیاد پر دے گا یا اپنی سوچ سمجھ کی بنیاد پر دے گا اس لیئے اپنا فیصلہ کرنا بھی خود سیکھیں۔ یہ بات سچ ہے کہ مشورہ لے لیا جانا بھی کسی نہ کسی حد تک مسلے کو حل کر دیتا ہے لیکن مشورے پر مکمل انحصار کرنا اپکو کبھی بھی کامیاب نہیں کرسکتا۔ قدم بڑھائیں اور اپنا حوصلہ خود بنیں۔