مڈل کلاس والدین

معمول کے مطابق گھر کے کام سے فارغ ہو کر جب میں نے موبائل ہاتھ میں اٹھایا اور فیسبک آن کیا تو میری نظر سے ایک پوسٹ گزری" کہ ہم مڈل کلاس لوگ ہیں بھائی ہمارے پاس جائدادیں نہیں ہوتیں بلکہ ان کی زندگیاں ہی ہوتیں ہیں جو وہ ہم پر لگا دیتے ہیں"
اس پوسٹ کو پڑھ کر دماغ گھوم سا گیا۔دل جیسے لمحے کو دھڑکنابھول گیا ہو اور سانس تھم سی گئی۔

اشک آنکھوں سے ایسے روں تھے کہ اب رک نہ پائینگے۔میں جو وقت اور حالات کی تنگدستی سے ہر وقت نالاں اپنی ہر ناکامی کا دوش ان لوگوں کو دیتی تھی بچپن سے لے جوانی تک کا وقت ایک فلم کی طرح آنکھوں کے سامنے گردش کرنے لگا۔وہ ہر لمحہ یاد آیا جب ان لوگوں نےہمارے لئے قربانیوں کی انتہا کردی۔زندگی کے ہر موڑ پر ہم اولاد جیسے خودغرض،دھن دولت کے پجاریوں نے جو نظرانداز کی تھیں۔

(جاری ہے)

ان لوگوں کے خلوص اور محبت کو ہمیشہ ان کے نہ دئے گئے سہولیات اور ادھوری خواہشات میں دھندلا دیا۔یہ بے ضرر اور مخلص لوگوں کو جو ہمیشہ سے ہماری کامیابی وکامرانی کے لئے جو کر سکتے ہیں کرنے کی کوششوں میں لگے رہتے ہیں،اپنی زندگی اپنے لمحے، اپنے خواہشات سب ہمارے لئے وقف کر دیتے ہیں۔اور اس امید پر ھی رہے ہوتے ہیں کہ ایک دن ان کی اولاد کامیاب ہوگی تو ان کو پل بھر کی خوشی اور طمانیت حاصل ہوگی۔

مگر ہم جسے عام الفاظ میں اولاد کہتے ہیں ان لوگوں کو شکایات اور ادھوری خواہشات کے طعنے دیتے ہوئے ان کی ان امیدوں کا گلہ گھونٹ دیتے ہیں۔
صد افسوس!خہ ہم ارد گرد کے چکا چوند سے متاثر ہو کر اپنی ہر ادھوری خواہش کا مورود الزام اس بے چاری مخلوق کو ٹہراتے ہیں اور اپنی جنت اور طمانیت کو کھو دیتے ہیں۔
صحیح تو کہا تھا اس پوسٹ میں کسی نے کہ اس مخلوق کے پاس جنہیں والدین کہتے ہیں صرف ان کی زندگیاں ہوتیں ہیں ھو وہ اولاد پر صرف کر دیتے ہیں۔

اپنا قیمتی خزانہ ان اولاوں پہ لٹا دیتے ہیں۔اور ہم دنیا کی مادی چیزوں میں ان کے اس حد درجے قیمتی سرمائے کو طول کر بے مول کر دیتے ہیں ۔
لیکن یہ بات ہمارے ذہن میں بھی ہونی چاہیے کہ بھی تو کل کو مڈل کلاس والدین ہی ہونگے اور یہ دنیا تو مکافات عمل ہے آج جو بووگے کل وہی تو کاٹو گے ۔آج جیسا ہم اپنے ان مڈل کلاس والدین کو دینگے نہ کل وہی ہمارے حصے میں ائے گا۔خدارا! ان مڈل کلاس والدین کی عزت و تکریم کریں۔اس کی اس قیمتی سرمائے(زندگی) کو بے مول کبھی نہ ہونے دینا۔ان کو وہی خلوص،محبت اور عزت دیں جو ان کا حق اور ہمارے اللہ رب العزت کا فرمان ہے۔