المحمدیہ سٹوڈنٹس کاکشمیری طلبا پر بھارتی تشدد اور ان سے اظہار یکجہتی کے لئے زبردست احتجاجی مظاہرہ ‘بھارتی پر چم نظر آتش
مقبوضہ کشمیر میں گائے کی قربانی پر پابندی اور سرگرم کشمیریوں کی ٹارگٹ کلنگ کی بھی شدید مذمت
بدھ 16 ستمبر 2015 21:38
لاہور(اُردو پوائنٹ اخبار تازہ ترین۔ 16 ستمبر۔2015ء) المحمدیہ سٹوڈنٹس پاکستان کے زیر اہتمام کشمیری طلبا پر بھارتی تشدد اور ان سے اظہار یکجہتی کے لئے زبردست احتجاجی مظاہرہ کیا گیاجس میں شہر بھر کی مختلف یونیورسٹیوں اور کالجوں کے طلبا نے شرکت کی۔پریس کلب کے باہر ہونیو الے مظاہرہ میں مقبوضہ کشمیر میں گائے کی قربانی پر پابندی اور سرگرم کشمیریوں کی ٹارگٹ کلنگ کی بھی شدید مذمت کی گئی۔
طلبا نے ہاتھوں میں پلے کارڈز اور بینرز اٹھا رکھے تھے جن پر کشمیریوں سے اظہار یکجہتی کے حوالہ سے تحریریں درج تھیں۔شرکاء کی جانب سے بھارت کے خلاف سخت نعرے بازی کی گئی اور بھارتی ترنگا نذر آتش کیا گیا۔ احتجاجی مظاہرہ سے المحمدیہ سٹوڈنٹس کے مرکزی رہنما ثاقب مجید، وقار عظیم، سہیل بشیر، احمد قیوم، محمد عمر و دیگر نے خطاب کیا۔(جاری ہے)
المحمدیہ سٹوڈنٹس کے مرکزی رہنما ثاقب مجیدنے اپنے خطاب میں کہاکہ کشمیری طلبا کی طرف سے پاکستان کا پرچم لہرایا جانا اس بات کا ثبوت ہے کہ کشمیری مسلمان کسی صورت بھارت کے ساتھ رہنے کیلئے تیار نہیں ہیں۔
انڈیا کی طرف سے منعقد کردہ میراتھن ریس میں پاکستان کے حق میں نعرے بازی طلبا کی پاکستان سے والہانہ محبت کا ثبوت ہے۔انہوں نے کہا کہ کشمیر میں گائے کی قربانی پر پابندی ہندو انتہا پسندی کا مظہر ہے۔عالمی طاقتوں کو اس بات پر توجہ دینی چاہئے کہ بھارت کشمیریوں کی ہر طرح کی آذاد ی سلب کررہا ہے۔ ماہنامہ مجلہ اخبار طلبا کے مدیر وقار عظیم نے کہا کہ یونیورسٹی کے طلبا کا پاکستان کے حق میں نکلنا بھارت کو آئینہ دکھانے کے لئے کافی ہے۔ یونیورسٹیوں کے طلبا کسی بھی قوم کا مستقبل ہوتے ہیں۔ چنانچہ ان کی طرف سے ایسا اقدام یقینا دنیا کی آنکھیں کھول دینے کے لئے کافی ہے۔ المحمدیہ سٹوڈنٹس یو ای ٹی کے مسؤل سہیل بشیرنے کہا کہ بھارت 70سال سے کشمیریوں پر ظلم و ستم ڈھا رہا ہے لیکن اب یہ دور ختم ہونے کو ہے۔آزادی کا سورج اب کشمیریوں کے لئے طلوع ہو کر رہے گا۔ المحمدیہ سٹوڈنٹس پنجاب یونیورسٹی کے مسؤل احمد قیوم نے خطاب کرتے ہوئے کہا کہ کشمیر میں جاری جارحیت کا اقوام متحدہ نوٹس لے اور کشمیریوں کا ان کا حق خود ارادیت دلوانے میں اپنا کردار ادا کرے۔مظاہرہ سے المحمدیہ سٹوڈنٹس لاہور کے رہنما عمر فاروق و دیگر نے بھی خطاب کیا۔ مقررین کا کہنا تھا کہ ہم کشمیری طلبا کے ساتھ مکمل اظہار یکجہتی کرتے ہیں اور مطالبہ کرتے ہیں کہ کشمیریوں کو ان کا حق خودارادیت دیا جائے اور اقوام متحدہ اس معاملے میں اپنا کردار ادا کرے۔ مظاہرین نے اس موقع پر بھارت کے خلاف شدید نعرے بازی کی۔طلبا نے ہاتھوں میں پلے کارڈز اٹھا رکھے تھے جن پر کشمیری طلبا کی حمایت اور بھارت کے خلاف جملے درج تھے۔ شرکاء کی جانب سے مظلوم کشمیریوں کی ہرممکن مددو حمایت کا عزم کیا گیا۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.