چیمپئنز ٹرافی میں پاکستان کی جیت کا جشن منانے پر بھارتی فوج کشمیریوں پر ٹوٹ پڑی

منگل 13 جون 2017 21:27

سرینگر(اُردو پوائنٹ اخبارتازہ ترین - این این آئی۔ 13 جون2017ء) مقبوضہ کشمیر میں نہتے کشمیریوں کی جانب سے چیمپئنز ٹرافی میں پاکستان کی جیت کا جشن منانے پر بھارتی فوج آپے سے باہر ہوگئی اور تشدد کرکے متعدد افراد کو زخمی کردیا۔

(جاری ہے)

کشمیر میڈیا سروس کے مطابق چیمپئنز ٹرافی میں سری لنکا کے خلاف پاکستان کی فتح پر مقبوضہ کشمیر میں نوجوان جشن منانے کیلئے سڑکوں پر نکل آئے اور بھرپور مسرت کا اظہار کیا۔

انہوں نے پٹاخے پھاڑے اور نعرے بازی بھی کی اس دوران قابض فوج سے کشمیریوں کی خوشی برداشت نہ ہوئی اور اہلکاروں نے لاٹھی چارج کرکے متعدد افراد کو زخمی کردیا۔بھارتی اہلکاروں نے اسی پر بس نہ کیا بلکہ ضلع شوپیاں میں گھروں میں گھس کر توڑ پھوڑ کی اور دکانوں سے قیمتی سامان بھی لوٹ لیا۔ قابض فوج کے ریاستی مظالم کے خلاف وادی کے مختلف شہروں میں احتجاج بھی کیا گیا۔