مقبوضہ کشمیر : بھارتی فوج کاجموں میں دو حملہ آوروں کو مارگرانے کا دعویٰ

فوجی کیمپ پر حملے میں دوفوجی افسر ہلاک اور چھ اہلکار زخمی ہوئے تھے

ہفتہ 10 فروری 2018 21:51

سری نگر ۔ (اُردو پوائنٹ اخبارتازہ ترین - اے پی پی۔ 10 فروری2018ء) مقبوضہ کشمیر میں قابض انتظامیہ نے جموں کے علاقے سنجوان میں بھارتی فوج کے ایک کیمپ میں داخل ہونے والے دو حملہ آوروں کو مارگرانے کا دعویٰ کیا ہے۔

(جاری ہے)

کشمیرمیڈیا سروس کے مطابق اس سے پہلے مسلح حملہ آوروں نے بھارتی فوج کے دو افسروں کو ہلاک اور چھ اہلکاروں کو زخمی کردیاتھا۔ آخری اطلاعات آنے تک مسلح افراد اور بھارتی فوجیوں کے درمیان فائرنگ کا تبادلہ جاری تھا۔ بھارتی فوج کا کہنا ہے کہ پورے علاقے میں سکیورٹی ہائی الرٹ کردی گئی ہے اورمزید حملہ آوروں کے خلاف آپریشن جاری ہے۔