کراچی میں سندھ گیمز کا آغاز،

200 میٹرز ریس میں کراچی کے معید بلوچ نے نیا ریکارڈ قائم کر دیا شدید گرمی کے باوجود کھلاڑیو ں کے لئے انتظامات نہ ہونے کے برابر ، ٹھنڈا پانی بھی میسر نہیں ،کھلاڑی پریشان ،آفیشلزکا15 ہزار کا چیک بائونس ہونے کا بھی دعویٰ

جمعرات 19 اپریل 2018 13:54

کراچی(اُردو پوائنٹ اخبارتازہ ترین - این این آئی۔ 19 اپریل2018ء) کراچی میں 17ویںسندھ گیمز کے مقابلوں کا آغاز ہوگیاہے، ایتھلیٹکس مقابلے کی 200میٹر ریس میں کراچی کے معید بلوچ المعروف بلوچ بولٹ نے سندھ گیمز کا نیاریکارڈقائم کردیا۔تفصیلات کے مطابق کراچی کے نیشنل اسپورٹس سینٹرمیں تاریخ کے مہنگے ترین سندھ گیمز شروع ہوگئے ہیں۔

(جاری ہے)

شدید گرمی میں کھلاڑی سہولیات سے محروم ہیں مگر اس کے باوجود وہ ایک دوسرے پر بازی لے جانے کی فائٹ کرتے نظر آرہے ہیں۔

جمعرات کوہونے والے مقابلوں میں 200 میٹرز ریس میں کراچی کے معید بلوچ نے نیا ریکارڈ قائم کر دیا۔معید نے مقررہ فاصلہ 21 اعشاریہ 96 سیکنڈ میں طے کیا۔ اس سے پہلے ریکارڈ 22 اعشاریہ 50 سیکنڈ کا تھا۔کراچی میں شدید گرمی ہے لیکن کھلاڑیو ں کے لئے انتظامات نہ ہونے کے برابر نظرآئے، ٹھنڈا پانی بھی میسر نہیں تھا ،کھلاڑی اس صورتحال میں کافی پریشان دیکھائی دیئے ،جبکہ آفیشلز نے 15 ہزار کا چیک بائونس ہونے کا بھی دعوی کیا ہے۔