ویمنزورلڈ کپ، آسٹریلیا کیخلاف میچ میں سلو اوورریٹ پربھارتی ٹیم پرجرمانہ

جمعرات 16 اکتوبر 2025 13:22

دبئی(اُردو پوائنٹ اخبارتازہ ترین - این این آئی۔ 16 اکتوبر2025ء) آئی سی سی کی جانب سے ویمنز ورلڈ کپ میں آسٹریلیا کے خلاف میچ کے دوران سلو اوور ریٹ پر آئی سی سی نے بھارتی ٹیم پر جرمانہ کیا ہے۔ویمنز ورلڈ کپ میں ہرمن پریت کور کی ٹیم نے مقررہ وقت میں ایک اوور کم کروایا، میچ آسٹریلیا نے 331 رنز کا تعاقب کرتے ہوئے 6 گیندوں قبل تین وکٹوں سے جیت لیا، ہرمن پریت کور نے سلو اوور ریٹ کی غلطی تسلیم کرتے ہوئے جرمانے کو قبول کرلیا۔

(جاری ہے)

بھارتی ٹیم پر میچ فیس کا پانچ فیصد جرمانہ عائد کیا گیا ہے ۔ واضح رہے کہ آسٹریلیا کے خلاف حالیہ میچ میں بھارتی ٹیم 331 رنز کا دفاع کرنے میں ناکام رہی اور کینگروز نے 49 اوورز میں 7 وکٹوں کے نقصان پر ہدف حاصل کیا۔بھارت پوائنٹس ٹیبل پر چوتھے نمبر پر موجود ہے، بھارت کو ورلڈ کپ میں جنوبی افریقا اور آسٹریلیا سے شکست ہوئی ہے جبکہ دو میچز جیتے ہیں۔بھارتی ویمنز ٹیم ورلڈ کپ میں اپنا اگلا میچ 19 اکتوبر کو اندور میں انگلینڈ کے خلاف کھیلے گی۔