پنجاب گورنمنٹ ہیپاٹائٹس سے بچائو اور علاج معالجہ کے لیے تمام تر اقدامات کر رہی ہے‘ڈاکٹر زین علی

جمعرات اپریل 15:05

اوکاڑہ کینٹ(اُردو پوائنٹ اخبارتازہ ترین۔ 19 اپریل2018ء) پنجاب گورنمنٹ ہیپاٹائٹس سے بچائو اور علاج معالجہ کے لیے تمام تر اقدامات کر رہی ہے عوام کو اپنے قریب ترین طبی سہولیات فراہم کرنے کے لیے پاکستان کڈنی اینڈ لیو رٹرانسپلانٹ انسٹی ٹیوٹ اینڈ ریسرچ سینٹر پنجاب نے 23اضلاع میں جدید ٹیکنالوجی سے مزین سینٹر کا قیام عمل میں لایا، اِن خیالات اظہارمیڈیکل آفیسر ڈاکٹر زین علی خاں اور ایڈمن اسسٹنٹ ذیشان حمید نے صدر ڈسٹرکٹ یونین آف جرنلسٹس محمد مظہر رشید چودھری کی قیادت میں سنٹر کا دورہ کرنے والے وفد سے گفتگو کرتے ہوئے کیا وفدمیں چوہدری عرفان اعجاز ،محمد عاشق ،،ڈاکٹر نیاز احمد چودھری ،رانامحمد نعمان خاں ،چوہدری عدنان اعجاز اور دیگر شامل تھے ایڈمن اسسٹنٹ ذیشان حمید نے کہا کہ وزیر اعلیٰ پنجاب میاں محمد شہباز شریف PKLI کے پیٹرن انچیف ہیں پنجاب کے 23اضلاع میں ہیپاٹائٹس ٹریٹمنٹ سینٹرز کا جال بچھا دیا ہے تاکہ عوام کو ہیپاٹائٹس بی اور سی کی سکریننگ اور ٹریٹمنٹ جن میں ادویات اور انجکشن مفت فراہم کی جارہی ہیں ذیشان حمیدنے وفد کوہیپاٹائٹس بی اور سی سے بچائو کے حوالہ سے احتیاتی تدابیر بتاتے ہوئے کہا کہ معمولی بیماری کو صرف دوا کھانے سے کنٹرول کرنا چاہیے انجکشن کا استعمال کم سے کم کریں ،شیو حجام سے کروانے کی بجائے خود کریں یا اگر ضروری ہو توحجام سے نئے بلیڈ سے شیو کروائیں ،دانتوں کا علاج صرف صاف اور جراثیم سے پاک آلات سے کروائیں،اگر کسی مریض کوخون لگوانے کی ضرورت ہو تو صرف مستند بلڈ بنک سے تصدیق کروا کر لگوائیںانہوں نے کہا کہ احتیاط علاج سے بہتر ہے اِس پر عمل پیرا ہو کر ہم کئی ایک بیماریوں سے بچ سکتے ہیں -