الیکشن کمیشن میں انتخابی فہرستوں میں شکایات کی وصولی کا کام 24 اپریل تک جاری رہیگا

ملک بھر میں قائم 14 ہزار 487 ڈسپلے مراکز نئے ووٹوں کے اندراج، منتقلی یا اخراج بارے درخواستیں وصول کرینگے، بیان

جمعرات 19 اپریل 2018 23:22

اسلام آباد (اُردو پوائنٹ اخبارتازہ ترین - این این آئی۔ 19 اپریل2018ء) الیکشن کمیشن میں انتخابی فہرستوں میں شکایات کی وصولی کا کام 24 اپریل تک جاری رہے گا۔

(جاری ہے)

جمعرات کو جاری بیان کے مطابق ملک بھر میں قائم 14 ہزار 487 ڈسپلے مراکز 24 اپریل تک نئے ووٹوں کے اندراج، منتقلی یا اخراج کے حوالہ سے درخواستیں وصول کریں گے انہیں نمٹائیں گے۔ پنجاب میں 7 ہزار 928، سندھ میں 2 ہزار 585، خیبرپختونخوا 2 ہزار 545 اور بلوچستان میں ایک ہزار 429 ڈسپلے مراکز قائم کئے گئے ہیں۔ الیکشن کمیشن کے مطابق 81 ہزار نئے ووٹوں کا اندراج اب تک ہو چکا ہے جبکہ 8 لاکھ ووٹ انتخابی فہرستوں سے نکالے گئے ہیں۔ انتخابی فہرستوں میں ووٹوںکی کل تعداد 10 کروڑ 42 لاکھ سے تجاوز کر چکی ہے۔