Live Updates

مینار پاکستان جلسہ میں نئے پاکستان کیلئے ایک وژن دیا، عمران خان

قوم اور لیڈرشپ نے مل کر تجدید عہد کیا کہ پاکستان کو مضبوط بنائیں گے، پاکستان میں عوام خوشحال اور ادارے مضبوط ہوں گے، چیئرمین تحریک انصاف کا پیٖغام

پیر 30 اپریل 2018 21:48

مینار پاکستان جلسہ میں نئے پاکستان کیلئے ایک وژن دیا، عمران خان

اسلام آباد (اُردو پوائنٹ اخبارتازہ ترین - آئی این پی۔ 30 اپریل2018ء) پاکستان تحریک انصاف کے چیئرمین عمران خان نے کہا ہے کہ قوم اور لیڈرشپ نے مل کر تجدید عہد کیا کہ پاکستان کو مضبوط بنائیں گے، نء پاکستان میں عوام خوشحال اور ادارے مضبوط ہوں گے مینار پاکستان جلسہ پر نئے پاکستان کیلئے ایک وژن دیا۔

(جاری ہے)

پیرکو اپنے ایک پیغام میں چیئرمین تحریک انصاف عمران خان نے کہا کہ مینار پاکستان کے سائے تلے سیاسی تاریخ کا نیا ریکارڈ قائم ہوا، قوم اور لیڈر شپ نے مل کر تجدید عہد کیا کہ پاکستان کو مضبوط بنائیں گے، مینار پاکستان جلسہ پر نئے پاکستان کیلئے ایک وژن دیا، عہد کیا گیا کہ ہر قدم پاکستان کیلئے اٹھے گا، نئے پاکستان میں عوام خوشحال اور ادارے مضبوط ہوں گے۔