عوام تحریک انصاف کے قافلے میں شامل ہوکر ہی ملک کو بحرانوں اور اندھیروںسے نکال سکتے ہیں،محمودخان
کسی بھی حکومت وقت کی ذمہ داری ہے کہ وہ عوام کو امن و امان بہتر حالات اورتعلیم اور صحت کی بہترین سہولیات فراہم کرے،وزیرکھیل خیبرپختونخوا
جمعہ 11 مئی 2018 19:40
(جاری ہے)
اس موقع پر اے این پی کے ممتاز اہم اور سرکردہ رہنمائوں جن میں سید حیدر علی،محمد حنیفہ،سردار علی،عثمان غنی ،حبیب اللہ ،ہدایت اللہ ،سعید احمد شاہ،انور شاہ ،میاں کریم بخش اور فضل نواب نے اپنے اپنے خاندانوں سمیت سینکڑوں ساتھیوں کے ہمراہ اے این پی سے تیس سالہ ناطہ چھوڑ کر پی ٹی آئی میں شمولیت کا اعلان کیا ۔
محمود خان نے کہا کہ اے این پی کے دورے حکومت میں نہ صرف امن و امان کی حالت خراب تھی بلکہ ہر چیز بکتی تھی ۔ایس ایم ایس اور ایزی لوڈ کلچرعام تھا حقدار کواس کا حق نہیں مل رہا تھا رشوت ،کرپشن ،کمیشن اور بدعنوانی عام تھی اور اُس وقت ان کے پارٹی لیڈر بدامنی کے وجہ سے اپنے صوبے میں نہیں آسکتے تھے جبکہ ہمارے دور حکومت میں وہ کھلم کھلا جلسے کر رہے ہیں یہی وہ تبدیلی ہے جس کا ہم نے 2013میں عوام کے ساتھ وعدہ کیا تھا آج لوگ میرٹ پر بھرتی ہورہے ہیں اور حقدار کو اس کا حق مل رہا ہے۔محمود خان نے کہا کہ غیر منتخب تنخواہ دار سیاسی مشیر ذہنی توازون کھو چکے ہیںان کو اپنے لیڈر کی کرپشن نظر نہیں آ رہی اوروہ پی ٹی آئی کے خلاف بے بنیاد اور من گھڑت پروپیگنڈے پھیلا رہے ہیں لیکن وہ جان لیں کہ پاکستان تحریک انصاف نے عوام میں سیاسی شعوربیدارکردیا اور وہ ان کے منفی پروپیگنڈوں میں نہیں آئینگے ۔محمود خان نے کہا کہ پی ٹی آئی کے چیئرمین عمران خان نے کرپٹ حکمرانوں کے خلاف جو جہاد شروع کیا تھا اس میںوہ سرخرو ہو چکے ہیں۔انہوں نے کہا کہ پاکستان قدرتی وسائل سے مالا مال ہے لیکن مخلص قیادت نہ ہونے کے وجہ سے ملک آگے کی بجائے پیچھے جا رہا ہے ،انہوں نے کہا کہ صحت انصاف کارڈ سے غریب خاندانوں کو سرکاری اور پرائیوٹ ہسپتالوں میں اعلی میعار کی طبی سہولیات مل رہی ہے۔انہوں نے صوبائی اسمبلی کی کا رکردگی کا ذکر کرتے ہوئے کہا کہ گزشتہ پانچ سالوں میں صوبائی حکومت نے وزیر اعلیٰ پرویز خٹک کے قیادت میں ریکارڈ قانون سازی کی ہے جس کا براہ راست فائدہ عام آدمی کو مل رہا ہے ۔انہوں نے کہا کہ ہم علماء کرام کی قدر کرتے ہیں جو اسلام سے محبت کرتے ہیں لیکن افسوس کے بعض علماء کرام اسلام کی بجائے اسلام آباد سے محبت کرتے ہیںاور حالات جیسے بھی ہو وہ حکومت میں رہنے کو ترجیح دیتے ہیں۔انہوں نے کہا کہ نواز شریف کی کرپشن اور نااہلی کی وجہ سے آیندہ مسلم لیگ ن کا ٹکٹ شرم کے مارے کوئی لینے والا بھی نہیں ہوگا۔انہوں نے کہا کہ روٹی کپڑا مکان کے نعرے والے اور دیگر مختلف سیاسی مداریوں نے نئے لبادے میں عوام کو دھوکہ دینے کیلئے سرگرم ہیں لیکن وہ یاد رکھیں کہ ملک کے غیور عوام 2018کے عام انتخابات میں ان سیاسی مداریوں کو عبرت ناک شکست سے دو چار کرینگے اور پی ٹی آئی کوبھاری اکثریت سے کامیا ب کراینگے اور عمران خان آیندہ پاکستان کے وزیراعظم ہوںگا۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.