مقبوضہ کشمیر ،ْپلوامہ میں نامعلوم مسلح افراد کے حملے میں بھارتی نیم فوجی اہلکار ہلاک

بھارتی فوجیوں نے علاقے میں محاصرے اور تلاشی کی ایک کارروائی کے دوران دو رہائشی مکانوں کو نقصان پہنچایا

ہفتہ 12 مئی 2018 14:33

سرینگر(اُردو پوائنٹ اخبارتازہ ترین - این این آئی۔ 12 مئی2018ء) مقبوضہ کشمیر کے ضلع پلوامہ میں ایک حملے میں بھارتی سینٹرل ریزرو پولیس فورس( سی آر پی ایف) کا ایک اہلکار ہلاک ہو گیا۔

(جاری ہے)

کشمیر میڈیاسروس کے مطابق سینٹرل ریزرو پولیس فورس کا اہلکار مندیپ کمار قابض فورسز کی طرف سے ضلع کے علاقے چنار باغ محلہ تکیہ میں محاصرے اور تلاشی کی کارروائی کے دوران نامعلو م افراد کے حملے میں شدید زخمی ہونے کے بعد ہسپتال لے جاتے ہوئے دم توڑ گیا۔بھارتی فوجیوں نے علاقے میں محاصرے اور تلاشی کی ایک کارروائی کے دوران دو رہائشی مکانوں کو نقصان پہنچایا۔ ایک مکان کا مالک بشیر احمد بھی قابض فورسز کی کارروائی کے دورا ن زخمی ہوا۔