مقبوضہ کشمیر ،ْ بھارتی فوجیوںکی ریاستی دہشت گردی کی تازہ کارروائی ،ْ ایک اور کشمیر نوجوان شہید ،ْ تعداد چار ہوگئی

ہفتہ 19 مئی 2018 20:53

سرینگر (اُردو پوائنٹ اخبارتازہ ترین - این این آئی۔ 19 مئی2018ء) مقبوضہ کشمیر میں بھارتی فوجیوںنے ریاستی دہشت گردی کی تازہ کارروائی کے دوران ہفتے کے روز ضلع کپواڑہ میں ایک اور کشمیر نوجوان کو شہید کر دیا۔

(جاری ہے)

کشمیر میڈیاسروس کے مطابق فوجیوں نے نوجوان کو ضلع کے علاقے ہندواڑہ میں برنجل ویلگام میںایک پر تشدد آپریشن کے دوران شہید کیا ۔ فوجیوں نے جمعہ کے روز بھی اسی علاقے میں تین نوجوان شہید کر دیے تھے اور اس طرح سے دو روز کے دوران شہید ہونے والوں کی تعداد بڑھ کر چار ہو گئی۔ میڈیا رپورٹ کے مطابق علاقے میں فوجی آپریشن تاحال جاری ہے۔