دختران ملت کی آسیہ اندرابی اور ساتھیوں کے جوڈیشل ریمانڈمیں توسیع کی شدید مذمت

بدھ 6 جون 2018 16:48

سرینگر(اُردو پوائنٹ اخبارتازہ ترین - این این آئی۔ 06 جون2018ء) مقبوضہ کشمیر میںدختران ملت نے اسلام آباد کی ایک عدالت کی طرف سے پارٹی سربراہ آسیہ اندرابی اور انکی ساتھیوں فہمیدہ صوفی،ناہیدہ نسرین اور دیگر کو دس روزہ جوڈیشل ریمانڈ پر دینے کی شدید مذمت کی ہے ۔

(جاری ہے)

کشمیر میڈیاسروس کے مطابق دختران ملت کی ترجمان نے سرینگر میں جاری ایک بیان میں کہاکہ آسیہ اندرابی اوردیگر پارٹی رہنمائوںکو آٹھ روزہ ریمانڈ کے بعد عدالت میں پیش کرنے کیلئے سرینگر سینٹرل جیل سے اسلام آباد لایاگیا جہاں انہیںپولیس نے دن بھر اسلام آباد پولیس اسٹیشن میں نظربند رکھنے کے بعد چار بجے کے قریب عدالت میں پیش کیا۔

عدالت کے جج نے پولیس کی درخواست پر حریت رہنماء اور انکی ساتھیوں کو دس روزہریمانڈ پر پولیس کے حوالے کردیا ۔ترجمان نے آسیہ اندرابی اور دیگر کو پولیس ریمانڈ پر دینے اورانکی غیر قانونی نظربندی کی شدید مذمت کرتے ہوئے انکی فوری رہائی کا مطالبہ کیا۔ انہوںنے کہاکہ انہیں سیاسی انتقام کا نشانہ بنایا جارہا ہے ۔