ایکٹ 74 میں ترامیم آزادکشمیر حکومت کا تاریخی اقدام ثابت ہوگا‘پاکستان کے کسی صوبے کے پاس ٹیکس وصولی کا اختیار نہیں مگر فارروق حیدر نے یہ اختیار کشمیر کو دلا دیا

مسلم لیگ (ن) مظفرآباد حلقہ تین کی سینئر رہنما محترمہ نثارہ عباسی کی بات چیت

جمعہ جون 15:24

مظفرآباد (اُردو پوائنٹ اخبارتازہ ترین۔ 08 جون2018ء) مسلم لیگ ن مظفرآباد حلقہ تین کی سینیئر رہنما محترمہ نثارہ عباسی نے کہا ہے کہ ایکٹ 74 میں ترامیم آزادکشمیر حکومت کا تاریخی اقدام ثابت ہوگا،،پاکستان کے کسی صوبے کے پاس ٹیکس وصولی کا اختیار نہیں مگر فاتوق حیدر نے یہ اختیار کشمیر کو دلا دیا‘ ان ترامیم سے ریاست کو صوبوں سے زیادہ اختیارات مل گئے ہیں، صدرجماعت، وزیراعظم آزادکشمیر راجہ فاروق حیدر خان نے اپنا انتخابی وعدہ پورا کردکھایا، گزشتہ روز میڈیا نمائندوں سے بات چیت کرتے ہوئے انہوں نے کہا کہ ایکٹ 74 میں ترامیم سے ریاستی اختیار اور وقار میں اضافہ ہوگا، آزادکشمیر کو مالیاتی مسائل سے نجات ملے گی، ریاستی وسائل ریاست میں ہی خرچ ہونگے، اور ریاست شاہراہ ترقی پر عملی معنوں گامزن ہو سکے گی، یہ مسلم لیگ ن اور وزیراعظم آزادکشمیر کا ایک ناقابل فراموش اعزاز ہے کہ ن لیگ کی حکومت نے قائدکشمیر راجہ فاروق حیدر خان کی قیادت میں ریاست کے وقار اور اختیار میں اضافہ دیا اور مالیاتی خودمختاری کی طرف اہم قدم اٹھایا، ہم اس تاریخ ساز کامیابی پر قائد کشمیر راجہ فاروق حیدر خان اور ان کی ٹیم کو مبارکباد پیش کرتے ہوئے ن لیگ پاکستان کے قائدین کا بھی شکریہ ادا کرتی ہیں جنہوں نے اس نیک عمل میں ن لیگ آزادکشمیر کو سرخرو کیا۔